Kripa e nevojshme jo vetëm në kuzhinë…

Kripa është e pazëvendësueshme në kuzhinë. Megjithatë, jo vetëm se i jep shije çdo ushqimi, por kripa mund të shfrytëzohet edhe për largimin e njollave të yndyrës dhe verës, si edhe si ilaç për lëkurën në rast të pickimit nga grerëza...

– Perimet e thata do t’i ruani më mirë nëse në enën ku i mbani ato, qitni një lugë kripë dhe e mbyllni hermetikisht. Kripa pengon zhvillimin e parazitëve të cilët kalbin perimet e thata.

– Nëse dëshironi ta ftohni shpejtë ujin e vluar, vendoseni atë (së bashku me enën që e keni vluar) në një tjetër enë ku keni qitur ujë të ftohtë, të cilit i kini shtuar një luge kripe të kuzhinës.

– Hekurin, i cili ka njolla të ndryshkut, më së miri do ta pastroni nëse e fërkoni mirë me një leckë të pambukut që e keni lagur me ujë të kripur. Pas kësaj hekurin fshijeni me leckë të thatë.

– Nëse njolla e yndyrës gjendet në qilim, mbulojeni me kripë të njomë, ashtu që të përfshini edhe skajet. Lëreni të qëndrojë dy-tre ditë, dhe pastaj me një sfungjer të lagur largojeni atë dhe fërkojeni me një leckë të lagur në terpentinë.

– Njollat e verës, po ashtu do të largohen më lehtë, nëse menjëherë i mbuloni me kripë të kuzhinës dhe e leni të qëndrojë 24 orë. Pastaj largojeni kripën, fillimisht duk e pastruar me ujë të ftohtë, dhe pastaj lajeni si gjithmonë.

– Tiganin ose enët me yndyrë, do t’i lani shumë më lehtë, nëse në to vendosni nga një lugë kripë, dhe pastaj i fërkoni me një letër dhe pastaj i lani. Kjo vlen edhe për enët në të cilat e keni djegur ushqimin.

– Kur të blini brushë të re për dhëmbët, ajo do të zbutet dhe do të dezinfektohet nëse e leni të qëndrojë 24 orë në një gotë të cilës i keni shtuar një lugë kripë. /Telegrafi/