Kjo është domethënia e ëndrrave me seks

Me siguri ju ka ndodhur që t’ju shfaqet në ëndërr një “mysafir i paftuar”, ndonjë me të cilin nuk e ndani krevatin.

Por mos u shqetësoni, kjo nuk do të thotë se doni ta tradhtoni partnerin. Personin që e ëndërroni zakonisht ka të bëjë me atë se çfarë ndodhë thellë në psikikën tuaj.

Truri në gjendje të ëndrrave ju tregon se çka ju mungon në jetë, ndërsa seksi e simbolizon dëshirën që këtë kualitet ta arrini në jetën tuaj.

Seks me ish-in
Në këtë mënyrë truri juaj lirohet nga emocionet, veçanërisht nëse ai ose ju ka lënë. Nëse jeni tashmë në një lidhje të re, ëndrra e tillë mund të nënkuptojë se ju keni rënë në një rutinë. Ish-i është shfaqur si një shenjë se duhet përsëri ta nxisni pasionin.

Seks me një të panjohur
Para se të mendoni në diçka tjetër, duhet ta dini se i panjohuri jeni ju vetë. Kohëve të fundit a keni bërë diçka jashtë rutinës suaj, diçka që kërkon guxim ose kurajo të veçantë? Ai i panjohur ka hyrë në ëndrrën tuaj si dëshmi se ju jeni krenarë për arritjet tuaja. Njerëzit janë shumë narcizoidë në ëndrrat e tyre, thonë ekspertët. Pyeteni veten se si e shihni veten tek ai personazh.

Seks i ndaluar
Nëse në gjumë ju shfaqet burri i shoqes më të mirë, nuk do të thotë se ju tërhjek, por ndoshta ka diçka që i mungon burrit tuaj, shkruan Mapo.

Seks me femër
Nuk ka asnjë arsye menjëherë të mendoni se e keni ndryshuar orientimin tuaj seksual. Jeni krenare për atributet e juaja femërore dhe kjo ëndërr më shumë i feston arritjet e juaja sesa që asocion në dëshirat e juaja seksuale jonormale. /Telegrafi/