Hotel Dukagjini certifikohet me “Certificate of Excellence”

Hotel Dukagjini certifikohet me “Certificate of Excellence” i cili është vlerësimi më i lartë që jepet nga Tripadvisor në fushën e hotelerisë.

Hoteli prestigjioz Dukagjini ofron shërbimet e veta jo vetëm për qytetarët e Kosovës por edhe për një numër të madh të turistëve dhe vizitorëve nga tërë bota. Duke qenë i prezantuar në më shumë se 140 faqe ndërkombëtare të hotelerisë dhe turizmit, bëhet promovimi i shërbimeve hoteliere dhe atyre turistike në regjionin e Pejës dhe Kosovës.

Tripadvisor është një kompani shërbyese ndërkombëtare që ndihmon turistët nga tërë bota për përcaktimin e vendeve dhe hoteleve duke rekomanduar hotele sipas vlerësimeve që jepen nga përvojat e turistëve që i kanë vizituar ato hotele më herët. Këto vlerësime në të njëjtën kohë krijojnë pozicionimin e hoteleve sipas sistemit të notimit me ç’rast kategorizimi nga “dobët” e deri tek “shkëlqyeshëm”  tërësisht varet nga këto vlerësime.

Këtë vit, Hotel Dukagjini certifikohet me “Certificate of Excellence” i cili është vlerësimi më i lartë që jepet nga kjo kompani në fushën e hotelerisë. Certifikata është edhe një dëshmi e radhës e punës së suksesshme dhe nivelit të lartë të kualitetit të shërbimeve që bënë personeli i Hotel Dukagjini. Notimi është bërë në gjashtë kategori dhe vlerësimet e larta e kanë vendosur Hotel Dukagjini në pozitën e fituesit të kësaj certifikate.

Rijad Morina, menaxher gjeneral në Hotel Dukagjini thotë se “ky shpërblim i takon punëtorëve të palodhshëm të hotelit që e kanë bërë të mundur të jemi fitues”.

“Me këtë certifikatë dëshmojmë se edhe një hotel në Kosovë mund të ofrojë shërbime kualitative të nivelit të lartë që vlerësohen maksimalisht nga vizitorët nga tërë bota. Jemi krenarë për këtë certifikatë e cila është një shtytje më shumë që të punohet drejt sukseseve edhe më të mëdha”, thotë Morina.

Për më shumë informata, vizitoni:

http://www.hoteldukagjini.com/

https://www.facebook.com/hoteldukagjini

Artikull i sponsorizuar