Dr. Ibrahim Rugova – njeriu që do të jetojë përgjithmonë

(Me rastin e gjashtë vjetorit të vdekjes së kryetarit të Kosovës, Dr. Ibrahim Rugova)

Urtia e tij me një mençuri të pashoq, forma e të udhëhequrit si lider, sajimi i ideve drejtë pavarësisë dhe unitetit, ishin elemente kryesore që Kryetarin Rugova e bëjnë të pavdekshëm, shumë tërheqës, madje politikan autokton i këtyre trojeve ilire…

Kryetari Rugova, mënyrat e avancimit të dashurisë ndaj kulturës, popullit, historisë dhe traditës kombëtare shqiptare, përkatsisht edhe të politikës drejtë pavarësimit të Republikës së Kosovës si hap i pare, pastaj drejtë një Uniteti Kombëtar Shqiptar, ndonëse të padëgjuara ndonjëherë më parë, kanë diçka të veçantë dhe janë skajshmërisht të dalluar nga të udhëhequrit politikë deri në kohën e tij.

Njeriu i politikës shqiptare para daljes në skenë të Kryetarit Rugova, vërtetë janë përpjekur të gjejnë modifikimin si aftësi që paraqitet se ai mbron atributet e politikës së re në zhvillimin e tyre, por asnjëra nuk ka pasur avancim në planet e tyre, derisa erdhi i Madhi Dr. Ibrahim Rugova.

Kohë pas kohe në ditët e sotme, ndeshim politikën aktuale të Kosovës dhe më gjerë, duke bërë përpjekje për të zëvendësuar filozofinë politike të Kryetarit Rugova, me tema të reja, forma të reja dhe preokupime të reja, por asnjëra në praktikë nuk ka dëshmuar se ka arritur at politikë, çfarë ai e aplikoj.

Nga njëherë krijohet përshtypja, se me vdekjen e tij, ka pushuar rezultati i artikulimit të politikës kombëtare e shtetërore, dhe është shuar artikulimi i politikës “rugoviane”! Jo, ajo edhe sot e kësaj dite reflekton si zë i brendshëm nëpër damarët e shqiptarit “rugovian” duke pranuar pëshpëritjet nga imagjinata se ende Kryetari Rugova është gjallë në mesin tonë dhe udhëzimet e tija për ne janë shpirtërore. Pikërisht ky zë i tij, ruan stabilitetin e pavarësisë së Republikës së Kosovës dhe është roje e përhershme e tokës dardane.

Vepra e Kryetarit Rugova, ishte prodhuese për një imazh më ndryshe në krahasim me lëvizjet e më hershme për çështjen shqiptare në ish-Jugosllavi. Këto imazhe para botës reflektonin kulturë, lashtësi, traditë kombëtare e në veçanti autoktoni mija vjeçare në ketë botë të Evropës juglindore dhe se nga këtu nuk lëvizet. Ai thoshte po citoi: “Ne ishim mikpritësit e të gjithë popujve për rreth në Ballkan, por që këtë mikpritje popujt për rreth trungut Shqiptar e keqpërdoren dhe deshën të na shfarosin nga faqja e dheut”, përfundon citati.

Urtia e tij me një mençuri të pashoq, forma e të udhëhequrit si lider, sajimi i ideve drejtë pavarësisë dhe unitetit, ishin elemente kryesore që Kryetarin Rugova e bëjnë të pavdekshëm, shumë tërheqës, madje politikan autokton i këtyre trojeve ilire, që gjithherë para vetes kishin burrninë, drejtësinë, mençurinë dhe trimërinë. Po ta zbërthesh sot politikën e tij, mund të konstatojmë se ai kishte këto synime: përafri në mes popullit, dashuri në mes vete, respekt për figurat e mëdha kombëtare, për kulturën dhe traditën e lashtë shqiptare me rrënjët e thella të saj.

Kemi raste sot, kur fjala e tij e urtë të ke gjetur vend në funksion të ruajtjes së unitetit dhe në tërësinë institucionale e kombëtare.

Tani kur ndodhemi në jubileun e 100 vjetorit të pavarësisë së shtetit tonë Shqipërisë, do të donim që edhe Ai të ishit me ne, të festojmë së bashku.

Të gjitha këto edhe sot mund të na shërbejnë si një ekzemplar shembullor, edhe pse ai sot e gjashtë vite nuk është në mesin tone. Vepra e tij çdo herë do të mbetet shembull për çuarjen e proceseve drejtë synimit tonë për një: UNITET KOMBËTAR SHQIPTAR.

Bekimi dhe mëshira e Zotit qofshin mbi shpirtin e tij.