A është kjo një lidhje apo vetëm aventurë?

Vajzat moderne dinë se sa e vështirë është të gjejnë djalosh të mirë i cili vërtet do të dëshirojë të jetë me to. Ato dinë të lexojnë sinjalet dhe të ikin me kohë para se ndjenjat ndaj “zotërisë së gabuar” të dalin jashtë kontrollit.

Nuk ka rregulla sipas të cilave do ta dini se çka ju përshtatet më mirë; vendimtare janë motivi dhe ndjenjat, transmeton Telegrafi.

Argëtimi
Lidhja: Madje edhe kur i propozoni që të bëjë diçka të re, gjë që nuk e praktikon kurrë (rrëshqitje, shopin, vallëzim), do të pranojë, sepse e di që do t’ju bëjë të lumtur.
Aventura: Do të gjejë ndonjë justifikim çfarëdo qoftë, vetëm që të shmangë çdo iniciativë tuajën.

Komunikimi
Lidhja: Ai i bën “like” pothuajse çdo gjëje që shkruani në Facebook, dërgon porosi, ju fton, madje ka hapur llogari në Instagram që të mund t’ju përcjellë.
Aventura: Kurrë nuk i ka rënë ndër mend që t’ju kontaktojë në Facebook, ndonjëherë shkruan ndonjë SMS, mirëpo kurrë pothuajse nuk ju thërret.

Respektimi
Lidhja: Takoheni shpesh, qoftë në shtëpi të tuajën apo në shtëpi të saj, qoftë jashtë shtëpisë. Nuk ju fsheh nga të tjerët. Me atë rast, alkooli është shumë i rrallë apo pothuajse kurrë pjesë e takimeve tuaja.
Aventura: Të shtunën, dy orë para mesnate, merrni porosinë me përmbajtje “Çka ka të re?” Nënkuptohet që çdo takim do të jetë i festuar e pije.

Romantika
Lidhja: Kur jeni bashkë, e mbani njëri-tjetrin përdore, përkëdheleni dhe përqafoheni. Puthjet dhe bërja dashuri janë vetëm pjesë e argëtimit tuaj.
Aventura: Takimet tuaja reduktohen në puthje franceze, të cilat çojnë në seks. Para seksit dhe pas tij asgjë e re.

Angazhimi
Lidhja: Ai i di emrat e anëtarëve të familjes suaj, të shoqeve më të mira, të të përkëdhelurit e shtëpisë. E di çfarë kafe pini, cilët filma i adhuroni, cilët restorante i frekuentoni…
Aventura: Ai di që dëshironi xhus-vodkën dhe asgjë tjetër. /Telegrafi/