LAJMI I FUNDIT:

Pleqnari Vesel Abria, më i sigurt se gjykatat

Pleqnari Vesel Abria, më i sigurt se gjykatat

Zgjidhja e kontesteve me anë të formës kanunore ende shihet si më e favorshme nga shumë hallexhinj.

Pavarësisht se shteti i ka mekanizmat e duhur për t’i zgjidhur këto probleme, shumë qytetarë vazhdojnë të trokasin në derë të pleqnarëve për zgjidhjen e halleve të tyre. Kjo, sipas juristëve dhe sociologëve, shihet si mungesë e besimit të qytetarëve në institucione shtetërore.

Derisa shteti ta kthejë besimin e humbur te qytetarët, shumë nga këta të fundit sa herë që kanë probleme ia mësyjnë kullës së Vesel Abrisë, nipit të Xhemajl Abrisë


Vesel Xhemajli nuk është gjykatës. Bile nuk ka më shumë se tetë vjet shkollë. Por, për shumëkënd fjala e tij është vetë ligji. Pasardhësi i plakut të urtë, Xhemajl Abria, ndonëse i është ofruar të shtatëdhjetave, vazhdon të presë në Kullën e tij hallexhinj që nuk dinë si t’i zgjidhin telashet që kanë me të tjerët.

Shteti, tashmë ka krijuar infrastrukturë të mjaftueshme ku palët mund të drejtohen për t’i zgjidhur kontestet, por Veseli mbetet ende i dëshiruar. Megjithatë, ka raste kur as ai nuk pranon t’i pleqnojë ankesat e atyre që janë në zor, por i drejton kah gjykatat.

Të veçantë punën e tij e bën respektimi i vendimeve nga ana e palëve.

“Krejt rastet që i marr në dorë – i kryej. Mua nuk më ka ndodhur që dikush mos me i respektu vendimet që i kam marrë si pleqnar”, rrëfen ai.

Për mënyrën e ndarjes së drejtësisë mes palëve, Veseli aplikon një rregull strikte: “Kur të na vjen veç njana palë, asnjëherë nuk i dhamë përgjigje”, shkruan Triibuna.

“Kur i bashkojmë të dy palët dhe i dëgjojmë me fjalë, tani përafërsisht e marrim një vendim dhe e këqyrim kush u kanë më shumë gabim a kush ma pak”, tregon Veseli.

Për ligjëruesin në Fakultetin Juridik të Universitetit të Prishtinës, Fisnik Korenica, kthimi te zgjidhjet përmes formave kanunore ose pleqnimit, përben një dukuri që në Kosovë ka filluar të rritet kohëve të fundit për shkak të mosfunksionimit efikas të sistemit të drejtësisë. Kjo, sipas tij, duhet shikuar si një veçori që tregon dobësinë e shtetit të Kosovës dhe dobësinë e mekanizmave të saj për t’u garantuar qytetarëve se ata jetojnë në një vend demokratik ku sundon ligji.

Në këtë linjë është edhe juristi Riza Smaka. Ai konsideron se kjo çështje është e ndërlidhur me mungesën e besimit në gjyqësorin, i cili, sipas tij, nuk është treguar efikas. /Tribuna/

Në trend Lajme

Më shumë
Pasdite të reshura shiu e stuhi, Aliu nga IHMK apel qytetarëve për kujdes të shtuar

Pasdite të reshura shiu e stuhi, Aliu nga IHMK apel qytetarëve për kujdes të shtuar

Lajme
Digjen disa vetura në bodrumin e një objekti në Prishtinë, disa persona marrin tretman mjekësor

Digjen disa vetura në bodrumin e një objekti në Prishtinë, disa persona marrin tretman mjekësor

Kronika e Zezë
Ligji për pagën minimale, Gjykata Kushtetuese i jep të drejtë Qeverisë

Ligji për pagën minimale, Gjykata Kushtetuese i jep të drejtë Qeverisë

Drejtësi
MPJD ia ndalon Petkoviqit hyrjen në Kosovë, thotë se përdori gjuhë provokuese e deklarata propaganduese

MPJD ia ndalon Petkoviqit hyrjen në Kosovë, thotë se përdori gjuhë provokuese e deklarata propaganduese

Elfije Boletini
Persona të moshuar, gra shtatzëna e fëmijë morën trajtim mjekësor pasi disa vetura u përfshinë nga zjarri në Prishtinë

Persona të moshuar, gra shtatzëna e fëmijë morën trajtim mjekësor pasi disa vetura u përfshinë nga zjarri në Prishtinë

Elfije Boletini
​Vendimi i Kushtetueses për Pagën Minimale, veteranët paralajmërojnë protesta kundër Qeverisë

​Vendimi i Kushtetueses për Pagën Minimale, veteranët paralajmërojnë protesta kundër Qeverisë

Lajme
Kalo në kategori