“Limak Kosovo” demanton arrestimin e Nihat Özdemir

(E plotësuar) Kompania ”Limak Kosovo” ka reaguar ndaj informatës së publikuar në media, lidhur me arrestimin e drejtorit të Kompanisë Limak&Calik, Nihat Özdemir, duke e cilësuar informatën si një spekulim.

Nё emёr tё “Limak Kosovo” shprehim shqetёsimet tona nё lidhje me spekulimet e fundit pёr Drejtorin e Bordit tё Drejtorёve tё kompanisё LIMAK,Nihat Ozdemir, thuhet në reagimin e lëshuar nga  Valentina Gara, zëdhënëse e Aeroportit të Prishtinës.

Duam tё iu njoftojmё se informacioni i spekuluar nuk paraqet realitetin sepse nuk ёshtё ngritur asnjё akuzё kundёr asnjё anёtari tё kompanisё LIMAK, thuhet në reagim. /Telegrafi/
——————————————————–

Arrestohet pronari i kompanisë Limak&Calik, që bleu Aeroportin e Prishtinës

Në mesin e disa biznesmenëve të arrestuar së fundi në Turqi, me akuza për korrupsion, është edhe drejtori i kompanisë Limak&Calik, Nihat Özdemir, kompani kjo që e ka privatizuar me koncesion Aeroportin Ndërkombëtar të Prishtinës.

Siç raporton KTV, gazeta turke Hurriyet ka parë aktakuzën sipas së cilës Özdemir dhe disa biznesmenë të tjerë akuzohen për “krijimin e një organizate kriminale”, për mitë, mashtrim, falsifikim të dokumenteve zyrtare, kërcënime dhe përvetësimin e aseteve të fituara me aktivitete kriminale.

Në mesin e 41 personave të arrestuar në rastin e dytë të korrupsionit, përveç Özdemir janë edhe biznesmeni saudit Yasin al-Qadi, i akuzuar më parë për financimin e terrorizmit si dhe pronari i kompanisë së furnizimeve.

Özdemir me Limak sapo ka fituar tenderin për ndërtimin e aeroportit të tretë të Stambollit.

Para 3 muajsh, ai bashkë me kryeminstrat Erdogan, Thaci dhe Rama përuruan terminalin e ri të Aeroportit të Prishtinës “Adem Jashari”. /Telegrafi/