Ka ngordhur Hachiko i botës së maceve: Ka kaluar shtatë vjet te varri i pronarit, do ta varrosin pranë tij

Një mace ngjyrë portokalli që jetoi për gati shtatë vjet pranë varrit të pronarit të saj në Makhachkala të Rusisë, ka ngordhur

Për shkak të besnikërisë së saj, vullnetarët vendas e quajtën Hachiko.

Gjatë viteve të jetesës në varreza, kafsha u dobësua shumë dhe mori sëmundje të shumta. Personat që e ushqyen e vunë re disa muaj më parë se ajo mezi ngrihej në këmbë.

Pasi historia e maces u bë e njohur në internet, ai u soll në Shën Petersburg për mjekim, transmeton Telegrafi.

Pas kryerjes së të gjitha procedurave të nevojshme, Hachiko u dërgua për qëndrim të përkohshëm dhe më pas iu desh të shkonte te pronarët e rinj.

Analizat e fundit treguan një përmirësim të gjendjes, por macja, për fat të keq, ndërroi jetë.

Hiri i maces portokalli do të transferohet në Dagestan, ku do të varroset pranë varrit të pronarit të saj, sipas faqes së internetit të organizatës vullnetare për ndihmën ndaj kafshëve.

“Hachiko donte shumë të qëndronte pranë pronarit të saj të ndjerë dhe do t’i plotësohen vullneti dhe dëshira”, theksuan vullnetarët. /Telegrafi/