Ambasada e Turqisë reagon pas arrestimit të Fikrim Damkës, kërkon unitet dhe maturi

Ambasada e Turqisë në Kosovë ka reaguar lidhur me rastin e arrestimit të kryetarit të KDTP-së, Fikrim Damka.

Kjo ambasadë ka theksuar se me keqardhje ka mësuar lajmin se kryetari i partisë më të vjetër politike të turqve të Kosovës, KDTP, Fikrim Damka, është ndaluar në mbajtje pas një fjalosjeje.

Ambasada e Turqisë në Kosovë ka uruar që Kosova ta ruaj stabilitetin e saj në kohë krizash në arenën ndërkombëtare.

“Në këtë periudhë të vështirë, ku në botë po ndodhin shumë kriza, është e një rëndësie të madhe që Kosova, si një vend miqësor, të ruajë stabilitetin e saj, ndërsa komuniteti turk në Kosovë të mbajë unitetin dhe maturinë. Turqia do të vazhdojë të qëndrojë gjithmonë pranë Kosovës”, thuhet në këtë njoftim, raporton Telegrafi.

Kryetari i KDTP-së, Fikrim Damka dhe nipi i tij, F.D. janë arrestuar të dielën mbrëma me dyshimin për sulm dhe kanosje dhe me urdhër të prokurorit janë ndaluar për 48 orë.

Lexo po ashtu Arrestimi i Damkës nxit reagime brenda komuniteti turk, bashkëpartiakët me mesazhe përkrahëse për të

Partia Turke e Lëvizjes Novatore (YTHP) publikisht ka akuzuar kryetarin e Partisë Demokratike Turke të Kosovës (KDTP), Fikrim Damka për sulm fizik ndaj një kandidateje për deputete nga radhët e YTHP-së.

Sipas kësaj partie rasti ka ndodhur në parkun në lagjen Kurrillë. /Telegrafi/