Beqarë përgjithmonë: Njerëzit me këto karakteristika kanë më shumë gjasa të jenë vetëm në jetë

Prirja për të mos qenë në një lidhje si një zgjedhje duket se po rritet vitet e fundit

Arsyet pse kaq shumë njerëz zgjedhin të jetojnë jetën e tyre pa qenë në një marrëdhënie, si martesa, janë të shumta. Megjithatë, një studim i ri u fokusua në karakteristikat e njerëzve që bëjnë këtë zgjedhje.

Në studimin e botuar në “Psychological Science”, studiuesit synuan të zbulonin se çfarë kanë të përbashkët njerëzit që nuk janë në marrëdhënie afatgjata apo martesë.

Sipas gjetjeve, njerëzit me këto tre karakteristika kanë më shumë gjasa të mos martohen:

Mungesa e ekstroversionit

Ekstroversioni i referohet tendencës për t’u përqendruar në kënaqësinë që marrim nga faktorët e jashtëm me të cilët ndërveprojmë. Dëshira për të shmangur mjediset sociale ose ndërveprimet me të tjerët mund të perceptohet si indiferencë ndaj partnerit ose si apati ndaj aktiviteteve tipike në një lidhje.

Mungesa e ekstroversionit do të thotë që nuk jeni të relaksuar dhe rehat, gjë që tregon se ndoshta jeni duke luftuar me ndërveprimet. Në të njëjtën kohë, nëse jeni më introvert, ka shumë mundësi që të keni më pak shanse për të takuar njerëz, për të takur miq nga shoqëria juaj dhe për rrjedhojë e gjeni të vështirë të krijoni një marrëdhënie.

Prirje dogmatike

Nëse jeni një person natyral i rezervuar, atëherë e kuptoni se sa e vështirë është të takoni njerëz të rinj dhe t’i pranoni ata në jetën tuaj.

“Healthline” vuri në dukje në një artikull se të tilla prirje mund të çojnë që dikush të bëhet i padisponueshëm emocionalisht, gjë që është e dëmshme për marrëdhëniet. Jo të gjithëve u pëlqen të flasin për ndjenjat e tyre gjatë gjithë kohës, por në një marrëdhënie është e rëndësishme të lidheni edhe në një nivel emocional.

Mungesa e ndërgjegjes

Ndërgjegjja ka të bëjë me të qenit të vetëdijshëm për veprimet tona dhe ndikimin që ato mund të kenë tek të tjerët. Kjo, për arsye mjaft të dukshme, mund të funksionojë pozitivisht në një marrëdhënie. Nëse jeni të ndërgjegjshëm, ka më shumë gjasa të jeni në harmoni me nevojat dhe ndjenjat e partnerit tuaj dhe të keni një vetëdije të përgjithshme se si ndikoni në këto gjëra.

Ndonëse mund të jetë e vështirë të përcaktohet saktësisht pse dikush do të qëndronte beqar, pasi secili ka arsyet e veta personale, duket se ka një lidhje midis këtyre tre tipareve të personalitetit dhe qëndrimit beqar përgjithmonë. Megjithatë, është e rëndësishme të mbani mend se asnjë situatë nuk është e përshtatshme për të gjithë. Disa njerëz me këto karakteristika mund të jenë në marrëdhënie krejtësisht të shëndetshme dhe disa që janë beqarë mund të mos i përshtaten fare këtyre karakteristikave. /Telegrafi/