Metoda e skitarit për t’i ngrohur duart gjatë dimrit, është e shpejtë dhe funksionon si me magji

Të gjithë e njohim dikë që mund të ketë vazhdimisht duar të ftohta.

Duke qenë se jemi në stinën e dimrit mund të jetë krejtësisht normale të na mërdhijnë duart për shkak të temperaturave të ulëta.

Por nëse dikush i ka vazhdimisht ashtu, mund të nënkuptojë se ka ndonjë problem tjetër shëndetësor.

Është e rëndësishme të qëndrojmë të ngrohtë gjatë temperaturave të ulëta, por mund të jetë sfiduese, veçanërisht tek duart.

@chelseaexplainsitall It feels SO WEIRD. But it keeps my fingers warm even when it’s FREEZING! #lifehack #raynauds #coldfront ♬ original sound – ChelseaExplainsItAll

Dorezat mund të ndihmojnë, por jo çdo herë janë të mundshme, pasi në disa ambiente duhet t’i heqim.

Nëse jeni gjendur në një situatë kur duart i keni pasur shumë të ftohta, është një ushtrim që mund ta bëni për t’i ngrohur.

Këtë truk e ka ndarë një përdoruese në TikTok, sipas të cilës është tejet efektiv dhe e ka mësuar nga një skitar.

Metoda për të cilën thotë se funksionon si magji, është tejet e thjeshtë.

Krejt çfarë duhet të bëni është që të qëndroni në këmbë dhe të shtrini krahët dhe t’i mbani drejt. Hapni pëllëmbët e duarve dhe lëvizni krahët poshtë dhe lart.

Derisa e bëni këtë lëvizje ju do të nxitni qarkullimin e gjakut dhe do ta ndjeni këtë në gishtat tuaj. /Telegrafi/