Komuna e Dragashit njofton fermerët për dorëzimin e aplikacioneve për pagesat direkte

Komuna e Dragashit i ka bërë thirrje fermerëve që aplikacionet për programin e pagesave direkte për qumësht, therjet e raportuara të gjedhit, viçat për majmëri, zogjtë për majmëri (brojlerët) dhe akuakulturë ti dorëzojnë në zyrat e Drejtorisë së Bujqësisë.

Në njoftimin e Komunës bëhet e ditur se Ministria e Bujqësisë, Pylltarisë dhe Zhvillimit Rural  respektivisht Agjencia për Zhvillimin e Bujqësisë do të vazhdoj mbështetjen për sektorin e blegtorisë përmes pagesave direkte.

“MBPZhR/AZhB ka hapur periudhën e aplikimit për pagesa direkte: për qumësht/litër sipas kategorive të cilësisë; për therjet e raportuara të gjedhit; për viçat për majmëri; për akuakulturë; për zogj për majmëri (brojlerët)”, thuhet në njoftim, raporton Telegrafi.

Aty theksohet se afati i aplikimit ka filluar nga data 15 janar 2025 dhe zgjat deri me datë 13 shkurt 2025.

“Aplikimi për të përfituar subvencione në kuadër të kësaj thirrje bëhet në zyrat e Drejtorisë për Bujqësi, në Komunën e Dragashit”, përfundon njoftimi i Komunës së Dragashit. /Telegrafi/