Ekipi i volejbollit nga Prishtina kualifikohet në finale të kompeticionit në Itali

Në qytetin e bukur të Galipolit të Italisë, po mbahet turneu ndërkombëtar i volejbollit Caroli Cup, për grupmoshat U14.

Në mesin e shumë ekipeve nga Italia dhe vende të tjera të Evropës, për herë të parë po merr pjesë edhe një ekip nga Kosova, Prishtina Elite.

Skuadra nga Kosova po shkëlqen në këtë turne prestigjioz, duke u kualifikuar në finale me rezultate maksimale dhe pa asnjë humbje.

Rezultatet:

Prishtina Elite – Melendugno Volley 2:0
Prishtina Elite – PSA Matera 2:0
Prishtina Elite – Orsa Capurso – 2-0
Prishtina Elite – Cutrofiano Volley 2:0

Këto fitore janë arritur edhe nën atmosferën e zjarrtë shqiptare të udhëhequr nga trajneri Kastriot Azemi, ku ekipi kosovar tregoi lojëra të jashtëzakonshme, duke fituar respektin dhe admirimin e të gjithë pjesëmarrësve.

Finalja historike zhvillohet nesër (e diel), duke filluar nga ora 18:00, duke shpresuar që seria e fitoreve të mbyllet me një trofe të rëndësishëm për klubin e Prishtina Elite dhe sportin kosovar./Telegrafi/