Akademia për gjyqtarë dhe prokurorë publikë në RMV nuk arriti të zgjedh drejtorin e saj

Seanca e Bordit të Drejtorëve të Akademisë për Gjyqtarë dhe Prokurorë Publikë “Pavel Shatev”, në të cilën sot, më 10 tetor, ishte paraparë emërimi i drejtorit të ri të Akademisë, është shtyrë për shkak të mungesës së përfaqësuesit të Ministria e Drejtësisë.

Siç informoi anëtari i Bordit Drejtues, Zoran Gerasimovski, sipas Ligjit për Akademinë për gjyqtarë dhe prokurorë publikë, vendimet për një çështje vendimtare, siç është zgjedhja e drejtorit të Akademisë, merren me shumicë votash nga numri i përgjithshëm i anëtarëve.

Me kërkesë të Gerasimovskit, seanca është shtyrë për të hënën, më 14 tetor në ora 15:00, si ditë e fundit për zgjedhje.

Gjyqtarët nga Gjykata Themelore Penale në Shkup, Nenad Saveski dhe Olja Ristova, gjyqtari Andrej Dimovski nga Gjykata Civile, gjyqtarja Edita Naskovska nga Gjykata Administrative, si dhe zëvendësdrejtori aktual i Akademisë, Ilir Iseni janë gjyqtarët të cilët aplikuan për pozitën e drejtorit.

Nga mesi i prokurorëve janë paraqitur Spasenka Andonova nga Prokuroria Themelore Publike Shkup dhe Irina Trajkoska-Strezoski nga Prokuroria e Lartë Publike Manastir.

Shpallja publike për zgjedhjen e drejtorit të Akademisë u publikua më 26 gusht të këtij viti, pasi ish-drejtoresha Natasha Gaber-Damjanovska në mesin e korrikut dha dorëheqje të parevokueshme./Telegrafi/