Çfarë ndodh me “të dashurën që rri në shtëpi” pas një ndarjeje?

Nëse përdorni TikTok, me siguri i keni parë gra veshur me sete në ngjyra neutrale, duke rregulluar krevatin ose duke përgatitur kafenë për të dashurin dhe një lëng të shëndetshëm për vete. Ndoshta janë duke bërë thonjtë, duke treguar rutinën e tyre të kujdesit për lëkurën, duke shkuar në pilates ose duke treguar ditën e tyre ndërsa në sfond dëgjohet muzikë e qetë: “Një ditë në jetën time si e dashura që rri në shtëpi”

Kërkime si “stay-at-home girlfriend” (37.3 milionë shikime), “life as a stay-at-home girlfriend” (37.8 milionë shikime), “stay at home GF” (36.2 milionë shikime), dhe “SAHG” (34 milionë shikime) janë gjithnjë e më të përhapura në TikTok.

Kjo prirje është trajtuar në artikuj të fundit në New York Post dhe Wall Street Journal, ku ky i fundit e atribuon atë si një “lëvizje e gjeneratës Z larg nga kultura e punës së ngarkuar dhe drejt një jete më të qetë.”

Disa nga “SAHG”-të e përshkruajnë stilin e tyre të jetesës me një gjuhë të ngjashme: “Njerëzit më pyesnin: ‘Cila është puna e ëndrrave të tua?’ Kurrë nuk e dija përgjigjen. E kuptova se është sepse nuk ëndërroj për punën. Ëndërroj të jetoj një jetë të qetë, femërore dhe të jem një shtëpiake seksi. Është kaq e thjeshtë,” thotë influencuesja Kendel Kay (@kendelkay) në një video me 1.6 milionë shikime nga shtatori 2023.

  Audrey Hepburn / Henry Mancini

Por, siç theksojnë disa komente, jeta e një “SAHG” është e rrezikshme. “Është mirë dhe bukur deri sa ai të ndahet me ty,” shkruan dikush.

“Nuk e imagjinoj dot të mos punoj, do të ndihesha shumë e papërmbushur”, shprehet një komentuese.

Dhe komente të tjera duke thënë se: “Vajzat ‘femërore’ mund të kenë edukim dhe karrierë” dhe “Pra ti ëndërron të bësh punët e burrit?”, citon Anabel.

Dhe ja ku vjen ana e “SAHG TikTok”-ut që nuk e shihni – videot pas ndarjes që ju paralajmërojnë për rreziqet financiare dhe emocionale që vijnë me këtë stil jete. Ndoshta nuk janë aq frymëzuese (kjo mund të shpjegojë pse nuk kanë shumë shikime), por janë po aq të vërteta dhe të rëndësishme. Dhe nëse do të hiqni dorë nga pavarësia financiare për t’u bërë “SAHG”, duhet ta bëni këtë duke u përgatitur për atë që mund të ndodhë nëse marrëdhënia përfundon. /Telegrafi/