Mbi 100% rritje e denoncimit të diskriminimit, orientimi seksual dhe përkatësia etnike mes paraqitjeve më të shpeshta

Komisioni për parandalim dhe mbrojtje nga diskriminimi (KPMD) shënon rritje të dyfishtë të numrit të parashtresave krahasuar me vitin e kaluar, tregon Raporti vjetor për punën e Komisionit për vitin 2023. Orientimi seksual, identiteti gjinor, përkatësia etnike dhe nacionale, si dhe bindja politike mbeten baza më e shpeshtë për raportim për diskriminim

Kryetari i Komisionit për parandalim dhe mbrojtje nga diskriminimi, Igor Jadrovski, në prezantimin e sotëm të Raportit vjetor theksoi se, edhe pse vërehet një vizibilitet i shtuar i Komisionit si adresë ku qytetarët kërkojnë mbrojtjen e të drejtave të tyre, shkalla e familjaritetit, e qytetarëve me kompetenca të KPMD-së është e ulët.

“Komisioni ka punuar në 523 ankesa, që është më shumë se 100 për qind rritje krahasuar me një vit më parë, që ndoshta do të thotë se Komisioni po fiton shikueshmëri, se qytetarët janë më të informuar dhe se institucioni mund të fitojë edhe më shumë besim. Vërehet një trend i identifikimit të të njëjtave fusha të diskriminimit vitin e kaluar, kështu që media, informimi publik, puna, marrëdhëniet e punës, arsimi dhe aksesi në mallra dhe shërbime, në vitin 2023, ashtu si në vitin 2022, mbeten fushat më të zakonshme në të cilat raportohet diskriminimi“, theksoi Jadrovski.

Krahasuar me vitin 2023, thotë Jadrovski ka trend të uljes së diskriminimit mbi përkatësinë nacionale dhe etnike, por në rritje janë rastet e diskriminimit në bazë të orientimit seksual dhe identitetit gjinor të barabartë

Sfidat, me të cilat përballet Komisioni janë kapacitetet e zvogëluara njerëzore. Jadrovski dërgoi apel deri te shtëpia ligjvënëse, si dhe institucionet tjera kompetente, që të kenë dëgjim për buxhet të limituar të Komisionit dhe shkeljen e vazhdueshme të pavarësisë së saj financiare.