Një i plagosur nga të shtënat me armë zjarri në Prishtinë

Një person është plagosur si pasojë e të shtënave me armë zjarri në rrugën “Bajram Bahtiri” në Prishtinë.

Në vendin e ngjarjes kanë dalë emergjenca dhe njësitë përkatëse të Policisë.

Polica ka bërë të ditur se personi i plagosur është dërguar në QKUK për trajtim mjekësor.

“Rreth orës 20:15, është raportuar për gjuajtje me armë zjarri të ndodhur në rrugën “Bajram Bahtiri” në Prishtinë. Me të marrë informatën, policia ka dalë në vendin e ngjarjes dhe nga informacionet e para është bërë e ditur se për pasojë një person ka marrë plagë nga arma e zjarrit. Ndërkohë që i plagosuri është dërguar në QKUK për trajtimin e nevojshëm mjekësor”, thuhet në njoftim.

Ndërsa nga QKUK-ja kanë bërë të ditur se i plagosuri me armë zjarri jashtë rrezikut për jetë.

“Po një i plagosur ka ardhur, lëndime me armë zjarri, gjendja e tij është stabile është në trajtim stabile mandej vendosim nëse do të lirohet apo çfarë do të ndodhë. Jashtë rrezikut për jetë ka marrë plagë në këmbë”, deklaroi doktori kujdestar, Ejup Govori.

Policia thotë se po vijon punën e saj me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin e të dyshuarve të implikuar në rast, si dhe sqarimin e plotë të rrethanave të ngjarjes./Telegrafi/