Ajo i dërgoi të dashurit një selfie, por ai nuk i vuri re detajin më të rëndësishëm: Tani i gjithë interneti po qesh me të

Charlie Roberts ka bërë bujë në TikTok me publikimin me titull “Dëshmi që burrat nuk i kushtojnë vëmendje” që është parë më shumë se 3.9 milionë herë.

Një vajzë i ka dërguar të dashurit një selfie, por ka ndryshuar tërësisht një detaj të rëndësishëm për ta testuar.

Charlie shfaqet normale në foto, por fytyra e saj është “transformuar” në Gollum (një personazh nga seria Lord of the Rings) duke përdorur Photoshop.

Bashkë me foton erdhi edhe pyetja, “A dukem bukur sot?”.

Së shpejti, djali u përgjigj, “Dukesh në formë”.

@charleyroberts767 Proof that men dont pay attention ?#idiot #fiance #mum #dad #payattention #jokes #screammovie #marriage #loveyou ♬ Dance The Night (From Barbie The Album) – Dua Lipa

Në këtë mënyrë, Charlie konfirmoi tezën e saj dhe mori më shumë se 267 mijë pëlqime, raporton Daily Star.

Një numër i përdoruesve të TikTok lanë komente nën video, të tronditur që djali nuk e vuri re “kurthin”.

“Kjo ishte gjëja e parë që pashë”, “Nuk mund të ndalem së qeshuri. Pse meshkujt janë të tillë?”, “Po i kushton vëmendje vendeve të gabuara”, lexojnë disa nga mesazhet.

Duhet të theksojmë se shumë gra që nuk e kishin vënë re “fytyrën e Gollumit” dolën përpara dhe njëra me sinqeritet shkruante, “Po shikoja fustanin tënd dhe as që e vura re”. /Telegrafi/