G-Class në versionin indian, ka hapësirë të mjaftueshme për 10 pasagjerë

I inspiruar nga Mercedes G-Class i vjetër, ky model rrënjët teknologjike i ka në shekullin e kaluar, por të njëjtën kohë ofron nivel të lartë të funksionalitetit.

Vetura multifunksionale nga India është 5.120 mm i gjatë dhe ka katër radhë të ulëseve, që do të thotë se mund të udhëtojnë deri në 10 pasagjerë me një konfiguracion prej 2+3+2+3, transmeton Telegrafi.

Natyrisht me ulëset e ngritura, nuk duhet të llogarisni në bagazh. Nëse mendoni se mungon diçka në këtë model brenda të cilit mund të futet një ekip futbolli, ekzistojnë edhe versione tjera.

Për shembull, Trax Cruiser mund të akomodojë deri në 13 persona. Kur bëhet fjalë për dizajnin dhe pjesën e jashtme, Citiline është gjigant që tregon se megjithatë nuk është një G-Class.

Me të hyrë në veturë, në veçanti në ulëset e pasme të radhës së katër, mund të thuhet se është shumë sfiduese.

Lajmi i mirë është se radha e dytë e ulëseve mund të paloset, kurse në të treten parashihet një korridor i ngushtë përmes të cilit mund të futen pasagjerët.

Brenda veturës nuk ka pajisje edhe aq moderne, por vlen të theksohet se ka sistem të ajrit të kondicionuar Nën kapak ka motorin e Mercedesit me 2.6 litra me naftë që prodhon 91 kuaj-fuqi.

Ka ndërrues manual me pesë shpejtësi, e çmimi startues për një veturë të tillë në Indi kushton 18.500 dollarë. /Telegrafi/