Komuna e Sarajit me rreth 39 mijë banorë dhe 21 fshatra ka në dispozicion vetëm një çerdhe. Dy objektet e çerdhes publike “ Filiz” kanë kapacitet për përkujdesje për 170 fëmijë. Kjo ka bërë që lista e pritjes të jetë e gjatë, gjë që ka shtyrë komunën disa kohë më parë të rrisë për 30 për qind kapacitetin e pranimit në ato objekte. Kjo përsëri nuk mjafton. Shumë prindër detyrohen që fëmijën ta dërgojnë disa kilometra larg pasi vend për fëmijën e tyre kanë gjetur vetëm në ndonjë çerdhe në komunat e tjera, ku listat e pritjes janë gjithashtu të gjata. Kryetari i Komunës së Sarajit, Blerim Bexheti, tha se në programin parazgjedhor është planifikuar ndërtimi i tre çerdheve në Bukoviq, Shishovë dhe Sfillare të Poshtme. Bexheti tha se Qeveria ose duhet të kryejë disa punë ose të bëjë decentralizim real.
“Jemi të gatshëm për njërën çerdhe. Sidomos me përparësi të hartimit të projektit për çerdhen në Sfillarë të Poshtme, por do të shohim vullnetin e Qeverisë, gjegjësisht të Ministrisë për Punë dhe Politikë Sociale se a janë të gatshëm të investojnë, pasi që investimet kapitale janë në kuadër të atyre. Domethënë, ata ose duhet të bëjnë decentralizm real ose mos nxirren apo mos fshihen për disa punë pas komunave, kur ato nuk bëhen”, tha Blerim Bexheti- kryetar i Komunës së Sarajit.
Nga Ministria e Punës dhe Politikës Sociale thonë se Komuna e Sarajit ka aplikuar me projekt për ndërtimin e një objekti çerdheje, mirëpo dokumentacioni nuk ka qenë i plotë.
“Komuna e Sarajit ka dorëzuar kërkesë për financimin e projektit për ndërtimin e objektit në fshatin Sfillare e Poshtme. Pas kontrollit të dokumenteve të dorëzuara, ministria ka konstatuar se dokumentacioni nuk është i plotë. Për plotësimin e aplikimit janë dorëzuar komente në komunë dhe personat përgjegjës nga ministria janë në komunikim me ta. Pas dorëzimit të dokumenteve të kërkuara, ato do të shqyrtohen nga Komisioni për hyrje programin për ndërtimin, pajisjen dhe mirëmbajtjen e objekteve për mbrojtjen e fëmijëve”, thonë nga Ministria e Punës dhe Politikës Sociale.
Aplikimi është bërë më 7 shtator të vitit 2022, ndërsa 7 muaj më vonë ende nuk është realizuar plotësisht as faza e parë, ajo e plotësimit të dokumentacionit. Nëse vetëm për dokumente janë nevojitur 7 muaj dhe përsëri kjo fazë nuk ka përfunduar, lind pyetja sa kohë do të duhet për ndërtimin e gjithë objektit. Përgjigjen e saktë të kësaj pyetje do ta japë vetëm koha./Alsat.mk
Promo
Reklamo këtuLufta Prigozhin - Putin
Më shumëGazetarja e RTK-së sulmohet nga qentë endacakë në Prishtinë
Çka deklaroi para trupit gjykues serbi i akuzuar për vrasjen e Oliver Ivanoviqit
Abdixhiku-Kurtit: Jep dorëheqje, cakto datën e zgjedhjeve - LDK do ta caktojë festën
Bislimi jep detaje për takimin në Bruksel: Propozimet e Serbisë ishin për legalizimin e strukturave paralele
QUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Një pishinë e brendshme 1600-vjeçare, e para e këtij lloji zbulohet në Shqipëri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3