Flacos, bufi që u arratis nga kopshti zoologjik Central Park e fiton lirinë e tij

Një buf që u bë i famshëm pasi u arratis nga kopshti zoologjik Central Park në Nju Jork dhe sfidoi kapjen për javë të tëra, do të lejohet të ruajë lirinë e tij.

Flaco, bufi shqiponjë euroaziatik, u pa të enjten mbrëma teksa punonjësit e kopshtit zoologjik u përpoqën ta joshin atë me karrem dhe regjistrime të thirrjeve të bufëve shqiponjë, u tha në një deklaratë nga kopshti zoologjik Central Park.

“Megjithëse ai tregoi njëfarë interesi për thirrjet, përpjekja ishte e pasuksesshme. Siç e kemi theksuar më parë, përpjekjet për rikuperimin e zogut janë provuar më të vështira pasi ai ka qenë shumë i suksesshëm në gjuetinë dhe konsumimin e gjahut të bollshëm në park”, thuhet në deklaratë, raporton UPI, transmeton Telegrafi.

Flaco ka qenë në kërkim që kur u arratis më 2 shkurt, kur ekspozita e tij u vandalizua, duke shkaktuar një gjueti që përfshin roje parku dhe madje edhe oficerë policie. Janë bërë disa përpjekje për të kapur zogun grabitqar të arratisur.

Vëzhguesit e shpendëve nëpër “Big Apple” janë përpjekur që atëherë të nxjerrin foto të bufit të arratisur, shumë prej të cilave janë shpërndarë në internet pasi Flaco u bë një personazh i famshëm vendas. /Telegrafi/