Shkon në 67 numri i viktimave nga rrëzimi i aeroplanit në Nepal

Sipas të dhënave më të fundit që i publikoi policia e Nepalit, të paktën 67 persona kanë humbur jetën nga rrëzimi i aeroplanit brenda të cilit gjendeshin në total 72 persona dhe që u rrëzua derisa po zbriste në qytetin Pokhara.

“31 trupa janë dërguar për obduksion”, tha zyrtari policor Ak Chhetri për AFP, duke shtuar se edhe 36 tjerë janë gjetur në vendin ku ka ndodhur rrëzimi i fluturakes, transmeton Telegrafi.

“Në mesin e atyre që gjendeshin në aeroplan ishin edhe dy foshnje dhe katër anëtarë të ekuipazhit”, tha zëdhënësi i aviokompanisë Sudarshan Bartaula për Reuters.

Në mesin e pasagjerëve ishin pesë shtetas të Indisë, dy rusë, një irlandez, dy jugkoreanë, një australian, një francez dhe një argjentinas.

An ATR 72 passenger plane with 72 people on board crashed in #Nepal. There was a huge fire at the crash site.

Yeti Airlines ATR 72 crashed on the runway of Pokhara International Airport. At least 32 people died. pic.twitter.com/fwkzSlvAJQ

— NEXTA (@nexta_tv) January 15, 2023

Televizionet lokale kanë treguar se si ekipet e shpëtimit po kërkonin nëpër pjesët e thyera të aeroplanit.

Një pjesë e trupit të aeroplanit është djegur plotësisht, e vërehen akoma shenjat e zjarrit. /Telegrafi/