Ikja e hershme e Gjiklës – shtyllë e Telegrafit, moment që tronditi kolegët

Drejtori menaxhues i Telegrafit dhe artisti, Arlind Gjikolli – Gjikla, u nda nga jeta mbrëmjen e së hënës (5 dhjetor), në moshën 41 vjeçare pas një sëmundje të rëndë.

E gjithë redaksia e Telegrafit, të cilët e njihnin me vite si shok dhe si koleg Gjiklën, u tronditën pas lajmit për vdekjen e tij.

Drejtori i portalit Telegrafi për Maqedoni të Veriut, Venhar Ramadani përmes rrjetit social në Facebook ka shkruar se Gjikla ishte krahu i tij i djathtë.

“Ishe krahu im i djathtë Gjikla”, ka shkruar ai.

Edhe, menaxherja e financave dhe e burimeve njerëzore, Donika Hoxha Beka u shpreh se ka humbur një shok dhe kolegë të pazëvendësueshëm.

“Ahh bre Gjikla … sa shumë e dashte jetën e sa shpejte shkove … sot ne humbëm një shok, një kolegë te pazëvendësueshme, pusho i qete” ka shkruar Hoxha-Beka në Facebook.

Ndërsa, kryeredaktori i Telegrafit, Muhamet Hajrullahu ka shkruar në rrjetin social në Facebook se një njeri si Gjikla do të kujtohet gjithmonë.

“Lamtumirë o njeri i mirë. Lamtumirë o patriot. Do të kujtojmë gjithmonë Gjikla”, tha ai.

Redaktori Agron Shala, u shpreh se miku i tij Gjikla iku shpejt nga kjo botë, duke cituar dhe një thënie të Xhevdet Bajraj.

“Ike shpejtë nga kjo botë Gjikla. Qofsh i Parajsës miku im. ‘Dhembjen e ndajmë si bukën, dehemi me lot / unë i veshur me rroba solemne / me shuplaka të kthyera kah qielli / bart peshën e pagëzimeve të reja’ (Xhevdet Bajraj)”, ka shkruar ai.

E, drejtori i Telegrafit, i cili ishte dhe shok ndër vite me Gjiklën, Gentian Lluka përmes një statusi në rrjetin social në Facebook ka shkruar se ka mbetur pa fjalë pas lajmit të rëndë për vdekjen e tij.

“Gjikla ike herët, jam pa fjalë o vëlla, pusho i qetë, ke me na mungu shumë…”, ka shkruar Lluka.

Zëvendës kryeredaktori, Imran Amiti u shpreh se engjëjt nuk jetojnë në tokë dhe se vendin e kanë në parajsë.

“E dimë, Engjëjt nuk jetojnë në Tokë, vendin e kanë në Parajsë”, ka shkruar ai.

Menaxheri i produkteve digjitale, Egzon Bunjaku shprehu keqardhjen e tij për ikjen e Gjiklës.

“Na le herët Gjikla! 💔”, tha ai.

Jehona Hulaj, gazetare-redaktore ka shkruar në profilin e saj në Facebook se Gjikla do të ju mungojë gjithmonë.

“Do të na mungosh Gjikla. Faleminderit për të gjitha, pusho në paqe”, ka shkruar ajo.

Art Loxha dhe Arsim Namani nga social media kanë shkruar se Gjiklën do ta kujtojnë gjithmonë.

“Pusho i qetë Gjikla”, tha Loxha, ndërsa Namani “Do të kujtomë përgjithmonë Gjikla”. Edhe për kameramanin dhe montazhierin, Korab Basha, Gjikla ishte i pazëvendësueshëm.

“Artist, përjet kemi me të kujtu”, ka shkruar ai.

Gazetarja Elfije Boletini përmes profilit të saj në Facebook tha se ikja e Gjiklës ishte tronditëse për të.

“RIP, Gjikla – mbetëm pa kolegun tonë më të mirë, pa bashkëbiseduesin e temave të ndryshme dhe shumë domethënëse. Disa njerëz jetojnë shkurt, por pas vetes lejnë vepra të mëdha.  Shpirti yt u preht në paqe Gjikla, do mbetesh përherë në kujtimet tona”, ka shkruar ajo.

Edhe gazetari i sportit, Romak Zeqiri tha se Telegrafi mbeti pa një njeri të jashtëzakonshëm.

“Telegrafi dhe vendi ynë mbeti pa një njeri të jashtëzakonshëm. Prehu në paqe Gjikla”, tha ai.

Ndërsa, redaktori Kemajl Berisha u shpreh se Gjiklën do ta kujtojë si person të buzëqeshur e të afërt, koleg e shok të mirë.

“Ne në Telegrafi mbetëm pa një koleg shembullor, pa një koleg që gjithmonë ka pasur këshilla të mira për secilin nga ne, pa një koleg që e ka dashur punën, por mbi të gjitha pa një koleg që gjithmonë ka frymëzuar pozitivitet! Allahu e past mëshiruar me xhennet Arlind Gjikollin – Gjikla”.

Arbios Kryeziu, social media – menaxher u shpreh se Gjiklën do ta kujtojë përherë si një njeri nga i cili ka mësuar shumë.

“Një koleg nga i cili mëson shumë, një atdhedashës i madh, një person pozitiv e energjik. Do të kujtojmë çdo herë Gjikla, ngjushllime të gjithë atyre që e njohën.

Edhe kameramani dhe montazhieri, Korab Basha ka shkruar: “Artist, përjet kemi me të kujtu”.

Gazetarja Arigona Bytyçi ka shkruar: “Forever our mentor. Rest in peace Gjikla”, ka shkruar Bytyçi.

Ndryshe, Telegrafi në emër të stafit për kolegun e pazëvendësueshëm, Arlind Gjikolli kanë shkruar dhe një telegram ngushëllimi. /Telegrafi/