“Shkup Veri” dënon deklaratën e ministrit Nuredini se nuk duhet të përdoret mazuti për ngrohje

Ngrohtorja Shkup Veri dënon deklaratat e ministrit të Mjedisit, Naser Nuredini, i cili tha se ngrohtorja “Shkup Veri” nuk duhet të prodhojë nxehtësi me naftë, por duhet të punojë me gazin që gjendet në treg.

“SHA Shkup Veri dënon ashpër deklaratat jashtëzakonisht të papërgjegjshme dhe joprofesionale të ministrit të Mjedisit, Naser Nuredini se “Shkup Veri” nuk duhet të prodhojë ngrohje me mazut sepse gazi natyror është në treg”.

Dëshirojmë t’i rikujtojmë ministrit se në vitin 2021 në Maqedoninë e Veriut janë importuar rreth 105 mijë tonë mazut, ndërsa në vitin 2022 deri në shtator mbi 150 mijë tonë, të cilat kryesisht përdoren për prodhimin e energjisë elektrike, e cila, për të rikujtuar ministrin, disponohet edhe në tregun e lirë! Ka qenë ministria e tij që ka lëshuar lejet për përdorimin e atij mazuti!

Shkupi Veri do të kishte përdorur maksimumi 15 tonë për testimin e pajisjeve për naftë dhe kalimin e kësaj periudhe, në të cilën për pesë ditë tashmë mbi pesë mijë përdorues kanë mbetur pa ngrohje, përfshirë 13 shkolla, çerdhe dhe qendra shëndetësore”, thuhet në njoftimin e “Shkup Veri”./Telegrafi/