Ardian Hoxha: Patriotizmi, biznesi dhe trashëgimia e babait tim

Në 27 vjetorin e zhdukjes së biznesmenit Remzi Hoxha, ka reaguar djali i tij, Ardian Hoxha, i cili ka shkruar lidhur me punën, trashëgimin dhe patriotizmin e babait të tij.

Hoxha sërish akuzon ish kryeministrin e Shqipërisë, Sali Berisha për zhdukjen e të atit të tij.

Lexoni të plotë shkrimin e tij:

Patriotizmi, biznesi dhe trashëgimia…

Ashtu siç bëj unë çdo ditë, besoj se të gjithë ndërmarrësit dhe profesionistët e të gjitha fushave mund të mësojnë nga aktivitetet dhe trashëgimia e babait tim, Remzi Hoxha.

Sot shënojmë 27 vjetorin e zhdukjes së babait tim nga regjimi i mbrapshtë i Sali Berishës, aleatit të ngushtë të Sllobodan Millosheviçit (e vërtetuar nga shumë prej veprave të tij).

Babai im, i cili ishte një patriot dhe vetë një sipërmarrës, gjithashtu shikoi “çfarë nevoje duhej plotësuar”, dhe përfundimi i tij ishte se (1) nevoja e parë që duhej përmbushur ishte liria dhe të drejtat barabarta të të gjithë njerëzve dhe kombe që nuk i kishim në Kosovë.

(2) Për të fituar lirinë dhe pavarësinë, dialogu paqësor me regjimin e Sllobodan Millosheviçit nuk ishte i mundur, përveç nëse e luftonim atë, dhe për këtë ai u përfshi në organizimin e ushtrisë dhe financoi (dhe ngriti më shumë fonde) për blerjen e armëve të nevojshme për të filluar luftën.

(3) E fundit, por jo më pak e rëndësishmja, për të fituar luftën dhe për të fituar lirinë, ne duhej të mbanim moralin të lartë dhe të përparonim ekonomikisht, gjë që ai e bëri duke krijuar Shoqatën për Ekonomi të Vogël dhe Zejtari (SPEVZ) dhe ndihmoi të gjithë njerëzit që u dëbuan nga punët e tyre nga regjimi serb, të gjitha familjet e varfra që vuajtën financiarisht dhe të gjithë njerëzit që duhej të shtroheshin në spital jashtë vendit.

Me SPEVZ ata organizuan gjithashtu të gjithë biznesmenët nga Kosova dhe diaspora për të investuar në Shqipëri, me fokus të veçantë në jug, në mënyrë që një Shqipëri më e fortë ekonomikisht të na ndihmojë të përmbushim më shumë “nevojën”, lirinë dhe barazinë e merituar prej kohësh, si të gjitha kombet.

Ai u rrëmbye dhe u zhduk në Shqipëri më 21 tetor 1995, nga regjimi i personit që do të njihet si tradhtari më i madh shqiptar i të gjitha kohërave, Sali Berisha.

Kontributi i tij personal u ndërpre por trashëgimia e tij vazhdon, pasi la pas 5 fëmijë dhe shumë nipër e mbesa! U preftë në paqe shpirti i tij!.