Waymo pritet të sjell shërbimin e robot-taksive në qytetin Los Angeles

Waymo po sjell shërbimin e saj të robot-taksive Waymo One në Los Angeles, një qytet me autostrada të pafundme, bllokime të trafikut dhe shumë nevoja urgjente transporti që nuk ka gjasa të adresohen duke shtuar më shumë makina.

Waymo aktualisht operon robotaksitë në dy qytete: Phoenix dhe San Francisko, transmeton Telegrafi.

Kompania është një nga të paktat që përpiqen të lansojnë një shërbim komercial në shkallë të gjerë të ndërtuar rreth automjeteve autonome, si Zoox i Amazon, Argo AI (i cili mbështetet nga Ford dhe Volkswagen) dhe Cruise (i cili mbështetet nga General Motors dhe Honda).

Los Angeles nuk është një territor i pa-eksploruar për Waymon; kompania ka hartuar lagjet e ndryshme të qytetit, duke përfshirë qendrën e LA dhe Miracle Mile, që nga viti 2019 – megjithëse thotë se ende nuk ka lëvizur në mënyrë autonome në qytet. Kur të nisë shërbimi, Waymo pret të operojë në ato lagje përveç Koreatown, Santa Monica, Westwood dhe West Hollywood.

Sa i përket asaj se kur do të nisë shërbimi, një zëdhënës nuk e bëri të ditur, duke vënë në dukje se ka gjasa të duhen “muaj” përpara se banorët të jenë në gjendje të marrin një nga automjetet autonome të Waymo përmes aplikacionit smartphone të kompanisë. /Telegrafi/