Eurobasket: Spanja eliminon Finlandën e Edon Maxhunit, Gjermania më e mirë se Greqia

Janë mbyllur dy çerekfinalet e para në Eurobasket 2022, ku Spanja ka eliminuar Finlandën, ndërsa Gjermania vendase ishte më e mirë se Greqia.

Spanja ishte e para që e siguroi gjysmëfinalen, pasi e mposhti në Berlin skuadrën finlandeze me rezultat 100:90.

Finlandezët e hapën ndeshjen mrekullisht, shënuan nga të gjitha pozicionet dhe në çerekun e parë kishin epërsi prej dhjetë pikësh. Kur shkuan në +15 në pjesën e dytë, dukej se asgjë nuk mund t’i ndalte në rrugën e tyre drejt gjysmëfinales.

Death, taxes and Spain in the EuroBasket Semi-Finals. 🇪🇸#EuroBasket x #BringTheNoise

— FIBA EuroBasket (@EuroBasket) September 13, 2022

Megjithatë, Spanja e zvogëloi rezultatin në 52:43 deri në fundin e pjesës së parë dhe në pjesën e dytë bëri një kthesë të madhe dhe kaloi në epërsi 73:67 në hyrje të çerekut të fundit.

Edhe pse Finlanda në një moment u afrua me dy pikë, nuk patën forcë për një kthesë të plotë dhe ‘La Furija’ festoi me meritë në fund.

Year 18 of clutch Rudy Fernandez threes#EuroBasket x #BringTheNoise

📺 https://t.co/XA74VljBO4 pic.twitter.com/fz1x7JbbDg

— FIBA EuroBasket (@EuroBasket) September 13, 2022

Edon Maxhuni te Finlanda nuk kishte paraqitje të mirë, pasi ndihmoi me vetëm dy pikë.

Gjermania në anën tjetër u kualifikuan në gjysmëfinale pasi mposhtën Greqinë në një ndeshje spektakolare në Berlin me rezultat 107:96.

Ishte një ndeshje e paharrueshme që ofroi basketboll atomik, sidomos në pjesën e parë ku u shënuan gati 120 pikë.

Gjermanët e hapën ndeshjen shkëlqyeshëm, shënuan nga të gjitha pozicionet dhe çerekun e parë e fituan me epërsinë prej 11 pikësh. Megjithatë, grekët, me Giannis Antetokounmpo, arritën të rikthehen shpejt, duke barazuar.

Deri në fund të pjesës së parë, ata madje arritën ta rikthehen, duke e mbyllur pjesën e parë me epërsinë 61:57.

HALFTIME: 🇩🇪 57-61 🇬🇷#EuroBasket x #BringTheNoise pic.twitter.com/tzfcVVetmT

— FIBA EuroBasket (@EuroBasket) September 13, 2022

Në çerekun e tretë, vendasit u kthyen në lojë dhe shkuan në epërsi prej plot 12 pikë epërsi (83:71).

Në çerekun e fundit, Greqia nuk kishte fuqi të kërcënonte seriozisht gjermanët, sidomos pas largimit të Antetokounmpos me dy gabime të qëllimshme.

Në gjysmëfinale Gjermania do të luajë kundër Spanjës./Telegrafi/