Gropa misterioze në minierën e bakrit në Kili po zgjerohet, askush akoma nuk po e di se si është hapur

Lundin, korporata e minierave kanadeze që operon me një minierë në Kili, ka bërë të ditur se gropa që është hapur në mes të rrugës nuk po ndikon në punë, dhe nuk i rrezikon punëtorët apo komunitetin që jetojnë përreth.

Në anën tjetër ekspertët kanë bashkuar forcat për të përcaktuar shkakun që çoi të hapja e kësaj grope, si dhe konfirmuan se punimet në atë zonë janë ndalur, transmeton Telegrafi.

Gropa në afërsi të qytezës Tierra Amarilla ishte hapur në mënyrë misterioze më 30 korrik, dhe kishte një diametër prej 25 metrash ku brenda saj kishte edhe një sasi të konsiderueshme të ujit.

Është bërë e ditur se autoritetet kanë instaluar pompa uji për ta nxjerrë ujin. Në anën tjetër është rritur brenga se miniera e bakrit mund të mbushet me ujë, nëse niveli në gropë vazhdon të rritet.

Interesant është se kjo gropë është duke u zgjeruar, dhe është dukshëm më e madhe dhe më e thellë sesa për herë të parë kur u zbulua.

Pamjet nga ajri me dron kanë kapur këtë gropë misterioze, për të cilën deri më tani askush nuk ka shpjegim se si është hapur. /Telegrafi/