Iniciativa “Më mirë për Tetovën” kërkon përkrahjen e qytetarëve për të legjitimuar pjesëmarrjen e tyre në zgjedhjet e 20 gushtit për Këshill Komunal

Qyteti i Tetovës më datë 20 Gusht të këtij viti do të mbaj zgjedhjet për këshill komunal me ç’rast qytetarët do të votojnë për partitë politike apo inciativat pjesëmarrëse në proces.

Hamdi Sulemani nga iniciativa qytetare ‘Më mirë për Tetovën”, përmes një postimi në rrjetin social Facebook, ka informuar se do të duhet përkrahja e qytetarëve tetovarë që me nënshkrimet e tyre të legjitimojnë pjesëmarrjen në këto zgjedhje këshilli edhe për iniciativën “Më mirë për Tetovën”.

Sulemani thekson se disa punë janë kryer për kaq kohë sa ishte funksional këshilli i komunës së Tetovës, ndërsa dhe disa punë të tjera mbeten që të kryhen në të ardhmen.

Postimi i plotë:

Në seancën e Qeverisë më 14 qershor u soll vendim për shpërbërjen e Këshillit të Komunës së Tetovës në pajtim me një nga kushtet e nenit 75 të Ligjit për Vetëqeverisje Lokale, sipas të cilit këshillat komunalë do të shpërndahen nëse nuk miratojnë llogarinë përfundimtare dhe buxhetin deri më 31 mars që parashikohet nga dispozita ligjore.