Tri gabime që bëjnë të gjithë kur i vendosin enët në makinën e larjes dhe për këtë shkak ato dalin të pista!

Pavarësisht se këto pajisje nuk janë më një gjë e rrallë, shumë bëjnë gabime për shkak të të cilave enët nuk lahen mirë

AO World, një kompani që shet pajisje elektrike, postoi një video në TikTok në të cilën një ekspert veçoi gabimet më të zakonshme që njerëzit bëjnë kur vendosin enët në makinë, transmeton Telegrafi.

Gabimi më i zakonshëm është shpëlarja e enëve!

Ekspertët theksojnë se kur lani pjatat ose enët e tjera përpara se t’i vendosni në makinë, detergjenti nuk ka ku të kapet, andaj mbetet “llumi” mbi enët, dhe për këtë shkak enët tuaja kanë atë ngjyrë të zbehtë dhe të turbullt kur i nxirrni nga makina.

Gjithashtu, shumë gota dhe filxhanë vendosen në makinë mbi “tela” që ndodhen midis ndarëseve, por ekspertët paralajmërojnë se ky është një gabim: “Gotat duhet të jenë midis atyre telave, jo sipër”.

Këshilla e fundit, për të cilën shumë nuk dinë, është drejtimi në të cilin ktheni enët në makinë.

Ekspertët thonë se të gjitha enët duhet të kthehen drejt qendrës së makinës, sepse aty vjen rryma e ujit, në mënyrë që enët të lahen më mirë.

#hometips #kitchentips ♬ Countless – Official Sound Studio

A bëni ndonjë nga këto gabime? /Telegrafi/