Alpha dëshiron të dyfishojë shitjet, Tonale është shpëtimi

Vitin e kaluar, italianët u dorëzuan klientëve vetëm 55 mijë automjete. Alfa Romeo shpreson që SUV i ri Tonale, i cili u prezantua në shkurt, mund të ndihmojë markën italiane të dyfishojë shitjet e veturave deri në vitin 2023.

Vitin e kaluar, Alfa dërgoi vetëm 55 mijë automjete për klientët në mbarë botën, që është një rënie e mëtejshme e markës në krahasim me vitin 2020, kur u shitën 63,300 vetura.

Me ardhjen e modelit Tonale nga klasa e SUV-ve kompakte, një segment automobilistik që gjeneron shitje nga 2.5 deri në 3 milionë automjete në vit vetëm në Evropë, numri i makinave të dorëzuara nga prodhuesi italian duhet të kalojë 100 mijë njësi.

Nga Alfa Romeo, shitjet e dobëta të vitit të kaluar justifikohen me mungesën e versioneve të elektrizuara (hibride) të dy modeleve të vetme në ofertën e saj, sedanit Giulia dhe SUV Stelvio.

Prodhuesi italian beson se variantet hibride, nëse do të kishte, do të rrisnin shitjet me rreth 15 për qind.

Kjo është arsyeja pse, thonë ata në kompani, Tonale do të jetë në dispozicion me sisteme shtytëse hibride që në fillim.

Toneals do të nisë prodhimin në qershor dhe Alfa Romeo thotë se do të ishin të kënaqur nëse do të arrinin të shesin 30 mijë të tilla në vitin 2022.

Sipas drejtuesve të prodhuesit italian, potenciali vjetor kur bëhet fjalë për shitjen e një SUV të ri mund të jetë nga 70-80 mijë njësi. Prej tyre, 45-60 mijë vetura duhet të vendosen në tregun europian.

Në Evropë, klientëve do t’u ofrohen dy hibride të rregullta dhe një plug-in. Hibridet e zakonshme do të kenë një sistem shtytës të përbërë nga 1.5 litra benzinë dhe motorë elektrikë. Varianti më i dobët do të kishte 130 kuaj fuqi benzine dhe 20 elektrikë, ndërsa konfigurimi më i fortë do të ofronte 160 kuaj fuqi + 20 kuaj fuqi.

Hybridi plug-in do të ketë gjithsej 275 “kuaj”.

Një turbodiesel 1.6 me 130 kuaj fuqi dhe 320 Nm do të jetë gjithashtu i disponueshëm në tregje të caktuara evropiane. /Telegrafi/