A do të jetë Overwatch 2 për Xbox?

Që nga publikimi i tij në vitin 2016, Overwatch ka qenë i disponueshëm në platformat më të spikatura në botën e sotme të lojërave – PlayStation, Xbox dhe PC.

Megjithatë, shumë lojtarë kanë zgjedhur kompjuterin, duke përfshirë atletët profesionistë.

Kompjuteri personal përdoret edhe sot në turnetë më të mëdhenj Overwatch, nga të cilët Overwatch League është padyshim më prestigjiozja.

Meqenëse Xbox është një “produkt” jashtëzakonisht i rëndësishëm i kompanisë, Microsoft ndonjëherë ka lëshuar lojëra që janë ekskluzive për konsolën Xbox. Prandaj, ekziston frika se diçka e tillë mund të ndodhë me disa lojëra Activision Blizzard.

Microsoft nuk ka specifikuar lojërat që do të dalin si ekskluzive për Xbox, por gjithsesi mendojmë se shanset që Overwatch 2 të ketë këtë fat janë jashtëzakonisht të vogla, duke pasur parasysh popullaritetin e origjinalit në mesin e lojtarëve të PC.

Për më tepër, CEO Phil Spencer ka lënë të kuptohet se Microsoft nuk ka ndërmend të “shkarkojë” lojëra nga platformat e tyre ekzistuese, kështu që të paktën ne nuk duhet të shqetësohemi për lëvizjen e Blizzard Classic në Xbox. /Telegrafi/