Bosch pret që mungesa e çipave të vazhdojë edhe gjatë vitit 2022

Stefan Hartung, shefi ekzekutiv i ardhshëm i kompanisë gjermane të teknologjisë Bosch, thotë se mungesa e industrisë në çipa nuk do të zhduket së shpejti.

“Le të jemi të qartë, kriza e çipave nuk ka mbaruar”, citohet të ketë thënë Hartung për revistën Focus, përcjell Telegrafi.

“Të gjithë ne në industrinë gjermane po mbështetemi masivisht në zgjidhjen e pengesave të furnizimit. Çdo çip që mungon mund të nënkuptojë se një sistem drejtues – dhe për rrjedhojë një makinë e tërë – nuk mund të ndërtohet. Kjo do të marrë shumë energji për të gjithë vitin 2022”, tha ai.

Kriza e çipave mund të pengojë gjithashtu qeverinë e re të koalicionit të qendrës së majtë të Gjermanisë që të arrijë disa nga qëllimet e saj, për shembull nxjerrjen e rreth 15 milionë makinave plotësisht elektrike në rrugë deri në vitin 2030.

Kjo nuk do të jetë e mundur “nëse problemet globale në zinxhirët e furnizimit nuk zgjidhen së shpejti. Dhe kjo nuk vlen vetëm për industrinë e automjeteve”, tha Hartung. /Telegrafi/