LAJMI I FUNDIT:

Mbi 500 ushtarë dhe pjesëtarë të njësive speciale e kapën në xhungël, pamje që tregojnë aksionin për arrestimin e “Escobarit” të shekullit XXI

Mbi 500 ushtarë dhe pjesëtarë të njësive speciale e kapën në xhungël, pamje që tregojnë aksionin për arrestimin e “Escobarit” të shekullit XXI

Narkodileri më i kërkuar në Kolumbi dhe lideri i Klanit të Gjirit, Daira Antonio Usuga, i njohur me nofkën Otoniel, është arrestuar gjatë një operacioni që është realizuar nga forcat e armatosura kolumbiane.

Për çfarëdo informacioni që do të ndihmonte në kapjen e tij, Kolumbia kishte ofruar një shpërthim prej rreth 3 miliard pezos (rreth 800.000 dollarë), derisa qeveria amerikane 5 milionë dollarë, transmeton Telegrafi.

Departamenti amerikan i Shtetit, e ka përshkruar Otonielin si “person të armatosur dhe shumë të dhunshëm”. Siç raporton CNN, ky arrestim është goditja më e fuqishme ndaj narko-mafias në Kolumbi.

Presidenti i këtij vendi Ivan Duke, ka konfirmuar arrestimin e tij – duke e krahasuar me atë të rënies së Pablo Escobarit, tri dekada më parë.

“Është shpartallimi më i rëndë dhënë tregtisë me drogë në vendin tonë gjatë këtij shekulli. Mund ta krahasojmë me rënien e Escobarit gjatë të 90-ve”, ka shtuar ai.

Si pasojë e këtij operacioni ka humbur jetën një polic, e Otoniel ishte një gueril i majtë, më pas pjesëtarë i forcave paraushtarake të djathtës, duke u shndërruar në lider të bandës kriminale Clan del Golfo (Klani i Gjirit).

Ai akuzohet se ka kryer mbi dhjetë shpërndarje të kokainës nëpër SHBA, e Duke ka njoftuar se gjithashtu akuzohet për vrasjen e policit, keqtrajtim seksual të fëmijëve dhe trafikim me qenie njerëzore.

Karteli në të cilin ai ishte në krye, përbëhet nga ish-anëtarë të organizatave terroriste që përdorin dhunën dhe frikën për të kontrolluar tregun e narkotikëve, laboratorët për përpunimin e kokainës, shtigjet nga e kalojnë drogën si dhe hapësira të fshehta për aterimin e aeroplanëve.

Autoritetet kanë njoftuar se agjentët në terren ishin koordinuar me SHBA-të, Britaninë e Madhe – duke sjellë mbi 500 ushtarë dhe pjesëtarë të forcave speciale kolumbiane, që kishin për cak “strehimoren” e Otonielit në xhungël, ku ruhej nga tetë hallka të sigurimit. /Telegrafi/

Në trend Botë

Më shumë
Konferenca e paqes për Ukrainën, Zelensky: Në Zvicër do të shkruhet historia

Konferenca e paqes për Ukrainën, Zelensky: Në Zvicër do të shkruhet historia

Botë
Publikohen rregullat për të cilat Biden dhe Trump kanë rënë dakord për të zhvilluar debatin e parë midis tyre

Publikohen rregullat për të cilat Biden dhe Trump kanë rënë dakord për të zhvilluar debatin e parë midis tyre

Botë
Forcat ukrainase sulmojnë aeroportin ushtarak në Rusi

Forcat ukrainase sulmojnë aeroportin ushtarak në Rusi

Botë
Tetë ushtarë izraelitë vriten brenda Gazës në një nga incidentet më vdekjeprurëse për forcat e Izraelit

Tetë ushtarë izraelitë vriten brenda Gazës në një nga incidentet më vdekjeprurëse për forcat e Izraelit

Botë
Scholz tregon se pse Gjermania nuk do t’i vendos sanksione të reja Rusisë sikurse SHBA-ja dhe Britania

Scholz tregon se pse Gjermania nuk do t’i vendos sanksione të reja Rusisë sikurse SHBA-ja dhe Britania

Evropa
Aeroplani luftarak rus futet në hapësirën ajrore të Suedisë

Aeroplani luftarak rus futet në hapësirën ajrore të Suedisë

Evropa
Kalo në kategori