Pse duhet të keni vetëm tri mobilie në dhomën e gjumit: Asgjë më shumë se këto!

Trendët në rregullimin e dizajnit të brendshëm po ndryshojnë dhe e tanishmja na fton t’i nxjerrim jashtë të gjitha gjërat e tepërta nga dhoma e gjumit dhe t’i lëmë vetëm gjërat më themelore

Përveç shtratit, ky “grup thelbësor” mund të përfshijë kolltukë ose karrige, një tavolinë e vogël, një llambë dhe, nëse është e nevojshme, një raft të vogël ose komodinë.

Çfarëdo që të jetë, duhet të jetë sa më e vogël dhe e thjeshtë në formë, transmeton Telegrafi.

Pavarësisht nëse keni një shtrat për dy persona ose një shtrat për një person, është e dëshirueshme që të jenë në ngjyrë të bardhë ose hije pastel plotësisht të lehta, qetësuese, të cilat gjithmonë mund t’i mbuloni me një batanije shumëngjyrëshe ose jastëkë dekorativë, nëse dëshironi.

Një kolltuk, një komodinë e vogël dhe një krevat. Kaq mund të ketë në dhomën e gjumit.

Shumica e shtretërve janë të vendosur drejtpërdrejt në dysheme, pa këmbë ose me këmbë të padukshme, të shkurtra, që krijon përshtypjen se jeni shtrirë vetëm në një dyshek.

Nëse ekziston një konstruksion për shtratin, ai është bërë nga druri i lehtë dhe duket krejtësisht i natyrshëm.

Vend të posaçëm në dhomat e gjumit kanë zënë pasqyrat, të cilat më së shpeshti gjenden përballë apo pranë krevatit, të mbështetura në mure, andaj mund lehtë t’i zhvendosni ku të dëshironi. Janë të gjata, me kornizë pothuajse të padukshme e cila përshtatet mirë me mobilie.

Hapësira mbi kokën është bërë një “skenë” sepse aty mund të varni fotografi, disa llambadarë letre, kapele kashte ose ta gdhendni atë, nëse është prej druri dhe i përket vetë shtratit.

Mos e ngatërroni dhomën me mobilje.

Për t’i bërë të gjitha të duken sa më bukur, të rrethuara me diell, do të ishte ideale të kishim dritare të mëdha në këtë dhomë, me perde të bëra nga materiali që transmeton dritë, ose plotësisht pa to. Sa më shumë dritë natyrale të depërtojë në cepin tuaj, aq më mirë, sepse do të ngriheni më herët dhe më të ndritshëm, sa herë që shkoni në shtrat.

Nëse keni nevojë për një gjumë të gjatë, gjithmonë mund të shtoni perde të errëta, të cilat do t’i tërhiqni mbi perdet e holla “ditore”.

Telegrafi/