Dodge me një veturë të çuditshme për VIP

Dodge Viper konsiderohet një veturë sportive moderne amerikane për shkak të performancës dhe pamjes tërheqëse, dhe tifozët, për ta thënë butë, janë të tronditur nga një prej “versioneve” të tij.

Është një krijim i paraqitur nga Viper në formën e një limuzine. Vetura u prodhua në vitin 1996 dhe u shndërrua në një sedan. Ajo u gjet kohët e fundit në eBay, por nuk u shit për arsye të panjohura.

Pjesa e përparme e veturës duket krejt normale, nga grila, dritat, kapaku, xhami deri te pasqyrat anësore. Edhe dyert duken standarde, të ndjekura nga një trup i gjatë deri në pjesën e pasme të njohur.

Sedani është 7.62 metra i gjatë dhe ofron hapësirë të mjaftueshme për 12 persona, dhe është pikturuar me ngjyrat e Dodge Viper Anniversary. Pjesa e brendshme është e veshur me lëkurë gri.

Vetura është shfaqur në shfaqje televizive, reklama dhe ngjarje speciale, dhe çmimi i kërkuar është 135,000 dollarë. Mundësohet nga një motor 8.0-litër V10 dhe ka kaluar rreth 9.500 kilometra.

Brezi i dytë Viper u shfaq në 1996, dhe prodhimi zgjati deri në 2002. SR2 zhvilloi 415 kuaj/fuqi dhe 662 Nm çift rrotullues, dhe u përshpejtua nga 0 në 100 km/h në pak më shumë se 4 sekonda. /Telegrafi/