Shefqet Krasniqi: Politikanët e Kosovës kanë frikë ta thonë se janë myslimanë

Hoxhë Shefqet Krasniqi ishte mysafir këtë javë në emisionin Kojshia Show që transmetohet çdo të diel në RTK.

Shefqet Krasniqi, imami i njohur i cili njëherit edhe ka doktoruar në Shkencat Islame ka folur për politikanët në Kosovë dhe lidhjen e tyre me predikimin e fesë.

I pyetur se cili politikan në Kosovë po ndjek rrugën e drejtë, Krasniqi është përgjigjur.

“Nuk kam emra e veçantë. Këta janë vëllezërit tanë. Edhe ata që punojnë mirë edhe ata që punojnë keq janë vëllezërit tanë. Megjithatë ata që punojnë mirë duhet t’i duam më shumë”.

Krasniqi ka thënë se qeveritarët duhet të ndjekin interesat be popullit e sipas tij, nevojë e popullit është edhe mbrojtja e identitetit fetar.

“Edukimi fetar është nevojë e popullit e këta politikan e kanë për obligim ta përmbushin këtë nevojë…Shumica e politikanëve në Kosovë janë myslimanë por para kamerave kanë frikë ta thonë. Është e vërtetë e pamohueshme që ne jemi me shumicë myslimanë. Politikanët tonë këtë e mohojnë, por një ditë doli Presidenti Trump dhe kryeministri i Izraelit Netanyahu e ju tha “o ju njerëz po ju jeni myslimanë 95%”. Atëherë këta politikanë ulën kokën si me zor”, tha ndër të tjera Shefqet Krasniqi./Telegrafi/