Zv.ministret e MAPL-së Shkodra dhe Emini, inaugurojnë projektin për rregullimin e sheshit në qendër të Vitisë

Kryetari i komunës Sokol Haliti, ka pritur sot në takim dy zv.ministret e Ministrisë së Administrimit të Pushtetit Lokal, Fatbardha Emini dhe Magbule Shkodra, të shoqëruara nga sekretarja e përgjithshme Rozafa Ukimeraj Çuni, si dhe drejtorë të departamenteve të kësaj ministrie.

Haliti në këtë takim, i njoftoi për zhvillimet aktuale në këtë komunë, realizimin e projekteve të gjithëmbarshme, planet, vështirësitë, si dhe me situatën epidemiologjike dhe menaxhimin e saj.

Ai ka shtruar një varg kërkesash që kanë të bëjnë me implementim të projekteve, posaçërisht ka përmendur shkurtimet buxhetore në projektet kornizë, si pasojë e ndarjes jo të drejtë buxhetore që e ndërlidhin me numrin e popullsisë, i cili regjistrim nuk është përkon me numrin real të popullatë.

Zv. ministrja Shkodra theksoi se do të angazhohen si ministri, që të mbështesin kërkesat që dalin nga komunat e Kosovës dhe të jenë sa më afër tyre, për të arritur synimet dhe projeksionet që ndërlidhen drejtpërdrejt me mirëqenien qytetare.

Gjithashtu janë inauguruar projektet e ndara nga MPL për vitin 2020 ku MPL është duke financuar projektin “Rregullimi i Sheshit  në qendër të Vitisë’’ Projekt që ka vlerën 194.223.75€ ‘’ Bashkëfinancim nga MPL 150.046.55 euro , dhe Komuna e Vitisë vlerën prej 44.177.20 euro.

Projekt ky që do t’u mundësoj qytetarëve të Vitisë të lëvizin në hapësirë të lirë ku do të shfrytëzohet për këmbësorë dhe për Çiklistë  si dhe Gjelbërim ,drurësh dhe bimësh që do të ngjallë bukuri në këtë qytet.

Ky projekt  do të jetë në dobi dhe interes të qytetarëve të kësaj ane dhe që kjo gjë po bëhet e mundur falë përkushtimit të MPL-së dhe Komunës.

Ndërtimi po bëhet sipas standardeve duke u premtuar qytetarëve të Vitisë që bashkëpunimi dhe përkrahja do të vazhdojë edhe në të ardhmen, njofton Telegrafi.