Orteku në Turqi vrau 21 njerëz dhe operacioni për t’i shpëtuar të tjerët po vazhdon

Operacioni për të gjetur të mbijetuarit e mundshëm vazhdon, pasi të paktën 10 individë të tjerë mund të jenë nën dëborë.

Të paktën 21 njerëz vdiqën dhe 10 të tjerë humbën të mërkurën në lindjen e Turqisë, pas orteku i dytë mbuloi grupin e shpëtuesve kur ata po kërkonin dy të mbijetuar të tjerë të mundshëm, kur një ortek i mëparshëm i kishte goditur ata, transmeton Telegrafi.

Rreth 300 shpëtimtarë shkuan në një autostradë afër qytetit të Bahcesaray pas një ortek të martën natën vrau pesë njerëz. Qyteti është i rrethuar me male në provincën e Van, i cili kufizohet me Iranin.

Pas një raporti fillestar të tetë vdekjeve, shifra u rrit në 21, ku në mesin e tyre ka roje sigurie, një zjarrfikës dhe nëntë civilë.

Guvernatori i provincës, Mehmet Emi Bilmez, tha se 25 persona tashmë janë shpëtuar të gjallë,  por sipas mediave të ndryshme, ishin afërsisht pesëdhjetë profesionistë në vend të shpëtimit.

Orteku i së martës varrosi një minibus dhe ekipet e shpëtimit ishin në gjendje të shpëtonin 7 persona, përveç rikuperimit të 5 trupave, por vazhduan të kërkonin për dy persona të zhdukur.

Mjegulla dhe reshjet e dëborës ndërlikuan përpjekjet e shpëtimit të mërkurën, sipas televizionit privat NTV. /Telegrafi/