Momenti kur nxirret gjallë foshnja nga rrënojat e aeroplanit të rrëzuar në Kazakistan, ku humbën jetën 12 persona

Nga aeroplani që u rrëzua sot në orët e para të mëngjesit në Kazakistan, brenda të cilit humbën jetën 12 persona, ekipet e shpëtimit kanë arritur ta nxjerrin të gjallë një foshnje.

Fluturakja në të cilën ishin 93 pasagjerë dhe pesë anëtarë të ekuipazhit, u rrëzua pak momente pasi u ngrit në ajër. Ishin ekipet e shpëtimit që reaguan me kohë duke nxjerrë të mbijetuarit që kishin ngecur nën rrënoja, transmeton Telegrafi.

Në videot e shpëtimit shihen burrat e uniformuar, duke vrapuar nëpër borë dhe mbajtur në duar foshnjën e veshur me të bardha. Më saktësisht një burrë vraponte në drejtim të ndihmës së shpejtë me qëllim që të mund sa më shpejtë t’i ofrojnë ndihmë foshnjës.Sipas të mbijetuarve, aeroplani kishte filluar të dridhet dhe më pas është dëgjuar një “tingull rrëqethës”.

“Gjithçka ka qenë si nëpër filma: njerëzit bërtisnin dhe qanin”, ka deklaruar një pasagjerë që i mbijetoi rrëzimit, duke shtuar se para se të rrëzohej fluturakja kishte humbur kontrollin. /Telegrafi/