Kaos në Kili, mijëra protestues pushtojnë rrugët kryesore – hedhin koktej molotovi mbi forcat e rendit

Mijëra kilianë kanë dalë nëpër rrugë sërish për të kërkuar shërbime më të mira sociale, madje disa prej tyre janë përplasur me policinë, që gjuajnë policinë me koktej molotovi të cilët si kundërpërgjigje u hodhën gaz lotsjellës.

Demonstruesit kërkuan që t’i jepet fund pabarazisë ekonomike në këtë vend, edhe pse qeveria ka njoftuar se janë pikërisht demonstruesit që po dëmtojnë dhe sulmojnë ekonominë e Kilit, transmeton Telegrafi.

Protesta e fundit është zhvilluar një javë pas përfundimit të një tjetre, ku humbën jetën 20 persona pas përplasjes me forcat e rendit duke bërë që të anulohen samitet që ishin paraparë të mbahen aty, transmeton Telegrafi.

Protestuesit kanë akuzuar elitën politike për një ekonomi “neoliberale” që e bën Kilin të duket si një storie suksesi në Amerikën Latine – duke fshehur kështu sistemin e pensioneve, sektorin privat të shëndetësisë dhe atë të edukimit që i japin përparësi të pasurve para atyre që janë të varfër.

Ata gjithashtu po kërkojnë një kushtetutë të re që do ta zëvendësojë atë të shkruar gjatë sundimit të gjeneralit Augusto Pinochet përgjatë periudhës 1973-1990.

Megjithatë pamjet nëpër rrugët e qyteteve të Kilit janë rrëqethëse ku shumë policë shihen të përfshirë nga flaka pasi mbi ata janë hedhur koktej molotovi, ndërsa protestuesit tërhiqen zvarrë nga forcat e rendit. /Telegrafi/