Tanasoski: Përmes bashkëpunimit rajonal lehtësohet procedura doganore

Përfaqësues të doganave të shteteve të CEFTA-s, marrin pjesë në punëtorinë dyditore dedikuar përgatitjes së strategjisë rajonale me rreziqet, që sot mbahet në Ohër.

Drejtori i Drejtorisë Doganore të Maqedonisë së Veriut Gjoko Tanasoski, theksoi se strategjia rajonale për menaxhim me rreziqet paraqet mjet të rëndësishëm si një nga postulatet themelore të Procesit të Berlinit, i cili paraqet zonë të vetme rajonale dhe menaxhim të përbashkët me rreziqet, përcjell Telegrafi Maqedoni.

“Kjo punëtori në atë kontekst e jep draft-versionin e strategjisë rajonale për menaxhim me rreziqet në bazë të së cilës do të bazohet edhe bashkëpunimi i mëtutjeshëm mes drejtorive doganore në rajon, që në fund ka për qëllim formimin e portofolive të përbashkëta të drejtuara drejtë lehtësimit të tregtisë. Kjo do ta përforcojë konkurrencën e operatorëve ekonomikë dhe do të mundësojë përforcimin e pozicioneve në zinxhirët rajonalë të furnizimit”, tha Tanasoski.

Sipas tij, kur bëhet fjalë për vetë rreziqet, ato në aspektin doganor kanë ndikim të madh në raport me përqindjen e kontrollit fizik dhe kontrolleve të dokumentacionit që duhet të vendosen në minimum./Telegrafi/