Pas ftesës që kryeministri në dorëheqje, Ramush Haradinaj, u bëri partnerëve të koalicionit për një takim konsultativ, këta të fundit janë deklaruar nëse do të takohen me të.
Bilall Sherifi, kryetar i grupit parlamentar të NISMA-s, në një përgjigje për Telegrafin ka thënë se kreu i kësaj partie do të shkojë në takimin e thirrur nga kryeministri në dorëheqje, Ramush Haradinaj.
Sherifi theksoi se nuk e di nëse është takim i veçantë apo i përbashkët me partnerët e koalicionit.
“Fatmir Limaj ka marrë ftesë për një takim me Haradinajn. Nuk e di a do të jetë takim i veçantë apo me partnerët e koalicionit qeverisës, por e di që sot do të takohen, ndërsa orën nuk e di”, ka thënë ai.
Edhe anëtari i kryesisë së Nisma-s Socialdemokrate, Fazli Hoxha, e ka konfirmuar takimin me Haradinajn.
Ai ka thënë se do të marrin pjesë në cilëndo orë që thirret.
“Nisma Socialdemokrate do të jetë pjesë e takimit të thirrur nga kryeministri në dorëheqje z. Haradinaj, dhe do të shohim se cilat janë temat e këtij takimi. Nisma Socialdemokrate që nga themelimi ka treguar seriozitet karshi proceseve institucionale të vendit, qoftë edhe me partnerët e saj në bashkëqeverisje. Në cilën orë të thirret takimi ne i përgjigjemi”, ka thënë ai.
Ndërsa, Jetlir Zyberaj, këshilltar i kreut të AKR-së, Behgjet Pacolli, në një deklaratë për Telegrafin ka lënë hapur mundësinë e pjesëmarrjes në këtë takim.
“Ne takime zhvillojmë me të gjithë. Në situatën e krijuar është Kushtetuta ajo që e përcakton procesin, pa marrë parasysh konsultat që ne i zhvillojmë. Ne jemi deklaruar që zgjedhjet janë opsioni që ne e konsiderojmë të duhurin për zgjidhjen e kësaj situate”, ka thënë ai.
Telegrafi ka kontaktuar edhe Partinë Demokratike të Kosovës, për të marrë përgjigje nëse do të jenë në këtë takim, por nuk janë deklaruar.
Ndryshe Telegrafi merr vesh nga burime brenda zyrës së kryeministrit se takimi do të mbahet në orën 14:00. /Telegrafi/
Promo
Reklamo këtuLufta Prigozhin - Putin
Më shumëParlamenti britanik miratoi mocionin e Alicia Kearns për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Kastrati vendos "delen" mbi foltore, i drejtohet Qeverisë: Populli nuk është dele, krejt jeni hajna
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Gjendet i vdekur një person në Doblibarë të Gjakovës
Mashtrime me vlerë 10 milionë euro, SPAK operacion kundër Call Center
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit