Zhvillime të reja në Venezuelë: Juan Guaido nga një bazë ushtarake deklaron ‘fazën përfundimtare’ të operacionit për të rrëzuar Maduron (Video)

Udhëheqësi i opozitës në Venezuelë, Juan Guaido, ka njoftuar “fazën përfundimtare” të përpjekjes së tij për të sjellë fundin e sundimit të presidentit Nicolas Maduro dhe thotë se ai ka mbështetje ushtarake.

Siç shkruan BBC, përcjell Telegrafi, në një video të regjistruar në një bazë të forcave ajrore dhe të publikuar në mediat sociale, shihet me burra në uniformë.

Ai i bën thirrje ushtrisë që të ndihmojë atë të përfundojë “uzurpimi” i pushtetit nga Z. Maduro.

Venezuela: ha iniciado la fase definitiva para el cese de la usurpación, la Operación Libertad. He sido liberado por militares a la orden de la Constitución y del Presidente Guaidó. Estoy en la Base La Carlota. Todos a movilizarnos. Es hora de conquistar la Libertad. Fuerza y Fe pic.twitter.com/Awm6P09ZM0

— Leopoldo López (@leopoldolopez) April 30, 2019

Ushtria deri më tani ka mbështetur z. Maduro dhe nuk pranoi të mbështeste z. Guaido, i cili u deklarua president i përkohshëm në janar dhe ka mbështetje nga dhjetëra vende, duke përfshirë shumicën e Amerikës Latine dhe Shteteve të Bashkuara.

Një zëdhënëse e qeverisë spanjolle paralajmëroi kundër “gjakderdhjes” në Venezuelë.

“Spanja nuk po mbështet asnjë grusht shteti ushtarak”, tha Isabel Celaa, duke kërkuar një rezultat “paqësor” ndaj krizës së Venezuelës.

Ndërsa presidenti kolumbian Ivan Duque i bëri thirrje ushtrisë venezueliane të mbështeste z. Guaido.

Përveç këtyre, sekretarja e shtypit e Shtëpisë së Bardhë, Sarah Sanders, tha se presidenti amerikan ishte informuar dhe “po monitorojmë situatën në vazhdim”.

Siç shkruan tutje BBC, përcjell Telegrafi, në video, z. Guaido thotë se ai ka mbështetjen e “ushtarëve të guximshëm” në Caracas.

En el marco de nuestra constitución. Y por el cese definitivo de la usurpación. https://t.co/3RD2bnQhxt

— Juan Guaidó (@jguaido) April 30, 2019

“Njerëzit e Venezuelës, le të dalin rrugë (…) të mbështesin fundin e uzurpimit, i cili është i pakthyeshëm (…) Forcat e Armatosura Kombëtare kanë marrë vendimin e duhur, ata kanë mbështetjen e popullit të Venezuelas, dhe mbështetjen e kushtetutës sonë, ata janë të garantuar të jenë në anën e drejtë të historisë”, thotë ai.

Videoja, e publikuar në llogarinë e Twitter të Z. Guaidó, e tregon atë duke qëndruar pranë një udhëheqësi tjetër të opozitës, Leopoldo López, i cili ka qenë nën arrest shtëpie pasi u shpall fajtor për nxitje të dhunës gjatë protestave anti-qeveritare në 2014. /Telegrafi/