Ekuadori është goditur nga 40 milionë sulme kibernetike, që kur Assange u arrestua në Londër

Ekuadori thotë se ka qenë cak i mbi 40 milionë sulmeve kibernetike që kur Julian Assange u arrestua pesë ditë më parë.

Presidenti i Ekuadorit, Lenin Moreno, i hoqi Assange statusin e azilit të enjten, duke lejuar policinë e Mbretërisë së Bashkuar të arrestonte atë në ambasadën e Londrës, në të cilën ai qëndroi për gati shtatë vjet.

Lexo po ashtu Julian Assange: Momente nga jeta e themeluesit të WikiLeaks në ambasadën ekuadoriane, të kapura nga kamerat e sigurisë (Video)

Kjo ndodhi pasi që Moreno e akuzoi Assange për ndërhyrjen në “proceset e shteteve të tjera” dhe “spiunim”.

Por, sipas mediave të huaja, përcjell Telegrafi, që nga arrestimi, një numër i madh sulmesh në internet janë drejtuar në faqet e internetit të qeverisë ekuadoriane nga grupe në mbështetje të themeluesit të WikiLeaks.

Lexo po ashtu Kush është Julian Assange, i arrestuar në Londër: Çfarë bëri themeluesi i WikiLeaks, pse u arrestua dhe si i kaloi shtatë vitet në azil politik (Foto/Video)

Kështu së paku citohet të ketë thënë për AFP, Patricio Real, zëvendësministri i vendit për teknologjitë e informacionit dhe komunikimit.

Siç thuhet tutje, pjesa më e madhe erdhi nga SHBA, Brazili, Holanda, Gjermania, Rumania, Franca, Austria dhe Britania e Madhe.

Lexo po ashtu Si dhe pse Ekuadori përfundimisht "u lodh" nga Julian Assange dhe ia ndëpreu strehimin atij në ambasadën në Londër

Ndërsa Javier Jara, nënsekretar i departamentit të qeverisjes elektronike të ministrisë së telekomunikacioneve, tha për AFP se sulmet ishin “volumetrike”. /Telegrafi/