Lojërat në internet si “Sfida Momo” – sa janë të rrezikshme dhe si mund t’i mbroni fëmijët nga ato!
Qendra për Studime të Avancuara – FIT, përmes një postimi në Facebook ka shkruar rreth fenomenit i cili ditëve të fundit ka qarkulluar në rrjetet sociale, përkatësisht rreth lajmeve të ndryshme duke paralajmëruar që të keni kujdes nga “Sfida Momo” e cila është “lojë” që nxit fëmijët të lëndojnë ose të vrasin veten.
Në këtë drejtim, përcjell Telegrafi, vihet në pah fakti se artikuj të ndryshëm kanë shkruar se kjo “lojë” ka sjellur edhe viktimat e para në Britaninë e Madhe, dhe është e ngjashme me fenomenin “Balena Blu”.
Në këtë drejtim, thuhet tutje, duke parë artikuj të tillë, është krijuar panik edhe brenda shoqërisë kosovare, ku prindërit kanë filluar të shqetësohen për fëmijët e tyre.
Sidoqoftë, shkruan në postimin e Qendrën për Studime të Avancuara, burime të sigurta ndërkombëtare dhe gazeta autoritative si BBC News[1], dhe Forbes[2] tregojnë se e gjitha kjo ishte një lajm i rremë i cili krijoi panik tek qytetarë të shumtë.
“Këta artikuj tregojnë se nuk ka pasur asnjë viktimë nga kjo sfidë”.
Më poshtë ua sjellim shkrimin e plotë të Qendrës për Studime të Avancuara:
(Pa) rrezikshmëria e “Sfidës Momo”
Ditëve të fundit në rrjetet sociale kanë qarkulluar lajme të ndryshme duke paralajmëruar që të keni kujdes nga “Sfida Momo” e cila është “lojë” që nxit fëmijët të lëndojnë ose të vrasin veten.
Artikuj të ndryshëm citojnë se kjo “lojë” ka sjellur edhe viktimat e para në Britaninë e Madhe, dhe është e ngjashme me fenomenin “Balena Blu”.
Duke parë artikuj të tillë, është krijuar panik edhe brenda shoqërisë kosovare, ku prindërit kanë filluar të shqetësohen për fëmijët e tyre.
Sidoqoftë, burime të sigurta ndërkombëtare dhe gazeta autoritative si BBC News, dhe Forbes tregojnë se e gjitha kjo ishte një lajm i rremë i cili krijoi panik tek qytetarë të shumtë.
Këta artikuj tregojnë se nuk ka pasur asnjë viktimë nga kjo sfidë.
Gazeta tjetër autoritative, The Guardian, citon se Qendra e Internetit të Sigurt në Mbretërinë e Bashkuar i quajti pretendimet “lajme të rreme”, kurse YouTube tha se nuk kishte parë asnjë dëshmi të videove që tregonin ose promovonin sfidën Momo në platformën e saj.
Në bazë të këtyre informacioneve, është mirë që të mos krijohet panik dhe të mos bëhet shpërndarja e ndonjë imazhi të lidhur me sfidën në fjalë; ne fuqimisht rekomandojmë që këto imazhe të mos ndahen drejtpërdrejt me fëmijët.
Edhe pse ndarja e paralajmërimit për rreziqe të veçanta, shpesh bëhet me qëllime të mira; ajo mund të paraqesë rreziqe.
Publikimi i mëtejshëm mund t’i inkurajojë fëmijët që të kërkojnë më shumë informacion dhe potencialisht t’i ekspozoj ata ndaj materialeve të dëmshme në internet.
Përkundër faktit se “Sfida Momo” nuk përbën rrezik për momentin, kjo në asnjë moment nuk nënkupton se sfida të tilla nuk mund të jenë të vërteta në të ardhmen.
Raporti i fundit i bërë nga Qendra për Studime të Avancuara FIT tregon se 97% e fëmijëve kosovar janë përdorues të internetit.
Duke pasur parasysh që një numër kaq i madh i fëmijëve janë përdorues të internetit, rreziqet që i’u kanosen atyre gjatë përdorimit te internetit janë të ndryshme dhe me rrezikshmëri mjaftë të lartë.
Qendra për Studime të Avancuara FIT i fton të gjithë prindërit që të listojnë si prioritet sigurinë e fëmijëve të tyre në internet.
Duhet pasur parasysh se nuk ka një formulë të saktë se si mund të mbroj dikush fëmijët e tij nga rreziqet që ju kanosen përmes internetit.
Prindërit duhet të ndërtojnë një urë të hapur komunikimi me fëmijët në lidhje me atë se për çfarë e përdorin fëmijët internetin, llojin e përmbajtjes të cilën mund ta hasin në internet, dhe po ashtu të ju krijojnë hapësirë fëmijëve që ata lirshëm të mund të bisedojnë me prindër në momentin që e ndjejnë vetën të rrezikuar në internet. /Telegrafi/
Lufta Prigozhin - Putin
Më shumëNga Rubrika
Counter-Strike 2 vjen me një veçori të cilën fansat e kishin kërkuar që nga dita e parë
Google planifikon një investim prej 3 miliardë dollarësh në Qendrën e të Dhënave në Indiana, Virxhinia
Këto janë vendet ku TikTok tashmë është i ndaluar – dhe nuk janë pak
Counter-Strike 2 vjen me një veçori të cilën fansat e kishin kërkuar që nga dita e parë
Këto janë vendet ku TikTok tashmë është i ndaluar – dhe nuk janë pak
Prezantohet printeri 3D më i madh në botë që mund të ndërtojë një shtëpi të vogël në vetëm 80 orë
Google planifikon një investim prej 3 miliardë dollarësh në Qendrën e të Dhënave në Indiana, Virxhinia
Ndodhi 19 vite më parë, kjo është videoja e parë që është postuar në YouTube
Zhvillohet gara e parë midis një aeroplani luftarak me pilot njerëzor dhe një tjetri të kontrolluar nga Al
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë