Stetoskopi digjital diagnostikon pneumoninë me 90 për qind saktësi (Video)

Hulumtuesit e John Hopkins University në Maryland të Shteteve të Bashkuara, e kanë krijuar një stetoskop digjital, që me saktësi shumë të madhe mund ta diagnostikojë pneumoninë.

Nëpërmjet Feelix dhe Feelix Pro, mund të detektohen sinjalet e para të kësaj sëmundjeje të mushkërive, pa pasur nevojë për veshin e trajnuar të mjekut, transmeton Telegrafi.

Me instalimin e filtrave të zërit dhe mësimin e algoritmit se si tingëllojnë mushkëritë e prekura nga sëmundja, stetoskopi mund të japë sinjalet e rëndësishme.

Krijuesit e pajisjes moderne që lansohet në fund të këtij vitit, pretendojnë se mund të diagnostikojë me sukses sëmundjen, që më pas kërkon trajtimin mjekësor.

Pneumonia, sëmundje që shkakton mbushjen e mushkërive me lëng, mbytë afro një milionë fëmijë nën moshën pesëvjeçarë. Përjashtim nuk bëjnë as të vegjlit, që jetojnë në shtet të zhvilluara dhe me kushte të mira.

Me në të këtij stetoskopi, kontrolli do të bëhej në kushte shtëpiake dhe në raste sa më të shpeshta, në mënyrë që rreziku për përhapjen e ftohjes së jetë minimal. /Telegrafi/