Presidenti i Shteteve të Bashkuara, Donald Trump gjatë një adresimi nga Shtëpia e Bardhë ka shpalosur një plan që do t’ia paraqes Kongresit, që sipas tij, do të mundësonte hapjen e menjëhershme të Qeverisë amerikane, e cila është e mbyllur pjesërisht që katër javë.
Presidenti Trump e cilësoi gjendjen në kufirin jugor të vendit – kufiri me Meksikën – si krizë humanitare dhe të sigurisë, andaj ai tha se është e nevojshme që të ndërtohen barriera të çelikta përgjatë kufirit, për të ndaluar, siç u shpreh ai, migrantët e paligjshëm dhe trafikun e drogës.
Mbyllja e pjesshme e Qeverisë amerikane ka ardhur si pasojë e refuzimit të demokratëve që të financojnë ndërtimin e një muri përgjatë kufirit të Meksikës, gjë për të cilën Trump ka kërkuar 5,7 miliardë dollarë.
Presidenti Trump tha se ka vendosur që të ofrojë “kompromis”, duke vendosur që të zgjasë edhe për tre vjet programin e njohur si DACA, që ka të bëjë me personat që kanë hyrë ilegalisht në Shtetet e Bashkuara, kur kanë qenë fëmijë.
Në këtë program janë të përfshirë 700,000 persona, të cilët, përmes këtij programi mbrohen nga deportimi dhe u lejohet që të punojnë, por jo që të aplikojnë për shtetësi.
Po ashtu, do të ofrojë mbrojtje për përfituesit e Statusit të Mbrojtjes së Përkohshme (TPS). Mbi 300 mijë persona nga shtete që janë të prekura nga lufta apo fatkeqësitë, përmes këtij programi, u lejohet që të punojnë dhe të jetojnë në Shtetet e Bashkuara.
“Propozimi nuk synon që të zgjidhë të gjitha problemet me migrimin, por ky plan zgjidhë krizën e tanishme, që është e tmerrshme, një krizë humanitare, që rrallë kemi parë në vendin tonë. Ky plan ofron një siguri të vërtetë të kufirit dhe hapjen e menjëhershme të Qeverisë”, tha Trump.
Trump tha se udhëheqësi i Senatit, Mitch McConnell është zotuar se do ta dërgojë këtë plan në Senat javën e ardhshme.
Demokratët ende nuk kanë reaguar lidhur me propozimin e Trumpit për hapjen e Qeverisë.
Por, para adresimit të presidentit amerikan, mediat kishin publikuar disa detaje të planit që pritej Trump të paraqiste.
Lidhur me këto raportime, kryesuesja e Dhomës së Përfaqësuesve, Nancy Pelosi në një deklaratë të lëshuar të shtunën, kishte thënë se raportimet e mediave, “bëjnë të qartë se propozimi i tij (i presidentit Trump) është një përmbledhje e disa iniciativave të kundërshtuara më parë, që secila prej tyre, në tërësi janë të paparanueshme, ato nuk paraqesin një përpjekje të sinqertë për të rivendosur sigurinë e jetës së njerëzve”.
“Propozimi i tij nuk jep një zgjidhje të përhershme për migrantët e rinj (të përfshirë në programin DACA) apo përfituesit e TPS që shtetit tonë i duhen dhe i mbështetë”, ka thënë Pelosi.
Që prej mbylljes së pjesshme të Qeverisë, 800 mijë punonjës federalë janë duke punuar pa paga.
Kjo është mbyllja më e gjatë në histori e Qeverisë amerikane.
Promo
Reklamo këtuLufta Prigozhin - Putin
Më shumëNga Rubrika
Protestat pro-palestineze shtojnë presionin mbi Bidenin
Palestinezët festojnë “pranimin e marrëveshjes” nga Hamasi, ndërsa izraelitët protestojnë për kthimin e pengjeve
Erdogan u bën thirrje vendeve perëndimore të rrisin presionin ndaj Izraelit për pranimin e marrëveshjes
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Protestat pro-palestineze shtojnë presionin mbi Bidenin
Droni ukrainas hedhë në erë anijen ruse në Krime, pamje nga aksioni
Erdogan u bën thirrje vendeve perëndimore të rrisin presionin ndaj Izraelit për pranimin e marrëveshjes
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'