Në Komunën e Skenderajt sot është organizuar ceremonia e ndarjes së medaljeve për 158 heronjtë dhe dëshmorët, që më 6 tetor të këtij viti ishin shpallur heronj të Kosovës nga presidenti Hashim Thaçi në përurimin e kompleksit memorial në Marinë.
Edhe pse i kishte dekoruar, kreu i vendit sot nuk kishte ardhur për të ndarë këto medalje.
Megjithatë, kryetari i Komunës së Skenderajt, Bekim Jashari, ka falënderuar presidentin që ka dekoruar këta dëshmorë.
Ai është shprehur se sot ndjen dhimbje të barabartë me të gjithë familjarët e dëshmorëve, por në të njëjtën kohë ai ka thënë se janë krenarë që janë familjarë të dëshmorëve.
“Ne e kemi bërë një punë pas 20 vitesh bashkërisht me juve, një punë që e kemi pasur për obligim ta bëjmë si institucione… Dhëntë Zoti që ne të mbledhim mend si qytetarë, si popull, të jemi të bashkuar, të unifikuar dhe ta ndërtojmë këtë vend, ta zhvillojmë vendin ekonomikisht. Vetëm atëherë mund të themi që po jetësohet amaneti i dëshmorëve, duke zhvilluar vendin që qytetarët e sidomos rinia e këtij vendi të sheh vetën në vendin e vet”, u shpreh ai.
Në emër të presidentit ka folur këshilltari i tij Ismajl Syla, i cili ka thënë se po përfundohet një punë që kishte nisur me 6 tetor në Marinë.
“Kjo ceremoni, në fakt është vazhdim i 6 tetorit në Marinë, me ç’rast bëhet dorëzimi i urdhrit Hero i Kosovës për të gjithë dëshmorët, të cilët kanë rënë në betejat e luftës së UÇK-së. Një gjë duhet ta keni parasysh, ju keni dhënë njerëzit më të shtrenjtë dhe ata njerëz qëndrojnë në rrënjët e lirisë dhe te Kosova e sotshme. Ndërkaq, shteti dhe institucionet e bëjnë ose nuk e bëjnë më së miri detyrën e Kosovës, por ju të nderuar familjar duhet vetë ta dini se ju jeni njerëzit më ballëhapur që rrini përballë atdheut”, tha ai.
Ndërsa nënkryetari i Shoqatës së Veteranëve të UÇK-së, Migjen Shala, ka thënë se ushtarët e trevës së Drenicës janë përballur me beteja e luftëra të ndryshme për të mbrojtur atdheun.
“Ne nuk imitojmë të tjerët për të përkujtuar beteja të humbura, por me krenarinë më të madhe përkujtojmë fitoret tona. Nuk do të mjaftojë vetëm përkujtimi, nuk do të mjaftojë vetëm komplekset e memorialet, por duhet t’iu shpjegojmë gjeneratave të ardhshme për rolin dhe rëndësinë e luftës çlirimtare. Të nderuar familjarë, bijtë tuaj kishin kuptuar thellë se për t’u çliruar nga pushtuesi duhej sakrificë, vetëmohim dhe organizim ushtarak. Ata me vetëdijen e lartë dhe ndërgjegje të pastër rrokën armët dhe u bënë pjesë e meritave të larta të luftës së lavdishme të UÇK-së”, tha ai.
Më 6 tetor të këtij viti, gjatë përurimit të kompleksit memorial në Marinë të Skenderajt, presidenti i Kosovës, Hashim Thaçi, kishte bërë të ditur se 158 dëshmorët i ka dekoruar me urdhrin Hero i Kosovës. /Telegrafi/
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Projekti më i mirë, Piramida e Tiranës fiton çmimin e madh për Evropën Juglindore
Kosova jashtë KiE-së, deputetja finlandeze akuzon BE-në se po tregohet e butë me Serbinë
Bie nataliteti në Kosovë, ASK dhe MPB me statistika të ndryshme për lindjet
Kosova jashtë KiE, Mujanoviq: BE po çon ujë në ‘mullirin’ e Vuçiqit
Plagosje me armë zjarri në Nashec të Prizrenit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore