Gaxherri akuzoi Thaçin për vrasje, përplasen PDK-LDK

Këtë deklarata ajo ka gjatë fjalës së saj në Kuvendin e Kosovës, punimet e të cilit akoma po vazhdojnë.

Nga aty, ajo ka deklaruar se Thaçi për ta shpëtuar vetën ka shkelur mbi kufoma, ka vrarë kundërshtarët politik e ka shkelur mbi vlerat e luftës.

Por, deputetja Xhevahire Izmaku nga Partia Demokratike e Kosovës, kryetar i së cilës për një kohë ka qenë Thaçi, ka kërkuar nga Gaxherri që të tërheq këto fjalë dhe të kërkojë falje.

“Këto deklarata të Gaxherrit ka mundësi ta lëndojnë krejt procesin e dialogut. Unë pres që ajo ta tërheq fjalën dhe të kërkojë falje – ka qenë diçka e paparashikueshme nga ajo. Më ka befasuar për të keq”, ka thënë Izmaku në Info Magazine në një lidhje direkte nga Kuvendi.

Duke iu kundërpërgjigjur Izmakut, Gaxherri ka thënë se ajo nuk i tërheq fjalët e saj, pasi thotë se iu ka referuar raporteve ndërkombëtare kredibile.

“Unë nuk kam bërë akuza, akuza mund të bëj vetëm Prokuroria. Unë iu kam referuar raporteve ndërkombëtare kredibile”, ka thënë Gaxherri në Info Magazine të Klan Kosovës në një lidhje direkte nga Kuvendi.